ياراكب اللي يـوم تسمـع وشيشـه =وشيش رقطاً ذيلهـا بالعصـاء نيـش

[رشيدالهديرس]

**

**

**

**

**

**

**

**

ياراكب اللي يـوم تسمـع وشيشـه =وشيش رقطاً ذيلهـا بالعصـاء نيـش
قامـت تحـك جنوبهـا مستهيـشـة =وتبيـن أنيـابٍ سـوات المناقـيـش
يمرج مع البيـدا إمـراج الخريشـة =إلى أمرجت بين الوحش والنواحيـش
مـن عقـب ماهـي للمنايـا وليشـة =بين الصقـور ومبهمـات النواتيـش
حيت حياة اللـي بتالـي الحشيشـة =عقب الدرك شرب القراح النقاريـش
جمسٍ يربح كـل مـن حـط شيشـة =يتعـب بتعبيتـه طـوال الخراطيـش
إلى وقف يكـوي الكبـود الغشيشـة =وإلى مشى ما يلحقه مومي الريـش
برقٍ من العارض جذبنـي رعيشـه =يـوم يتـلالا بالمـزون المراهيـش
وأثره ما يسقـي الكبـود العطيشـة =يبرق ويرعد مير مدري على ويـش
لا تحتزم باللـي ضلوعـه هشيشـة =اللي ليا سمع النـداء صـد تطنيـش
لا تحتزم بـه لـو تحيـزم بخيشـة =ما يقطع الدِيـان ركـض الأكاديـش
وبيتٍ بليـا سـاس مثـل العريشـة =يطيح لـو لمـع ببويـه و ورنيـش
وجرد السهـال الخاليـات الوحيشـة =اللي تطوى في شجرهـا الحنافيـش
أخير من ضله ،،، وبعض المعيشـة =يعافها الطيب ،، ويفرح بهـا الديـش
وقال المثل مامن ورى طلع بيشة =عيشة وراس الضبي ما به عراميش

الشاعر الكبير عبدالله بن زويبن الحربي

[سلطان نايف العضياني]

الله أكبر عليك ياعبدالله بن زويبن أشهد بالله إنك فحل من فحول الشعر فالجزيره


وتسلم أخوي رشيد على النقل الرائع,,,,,

[رشيدالهديرس]

من قال يسلم ومشكور على المرور

[/عبد العزيز الجذع/]

الله .


قصيدة رائعة..

صح لسان الشاعر الكــبير/ عبدالله زويبن.

والف شكر على النقل.

[عبدالله الجـــذع]

قصيده ر ائعه للعم بن زويبن

الف شكر لك ع النقله الجميله

محبك

,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[ابن هضلا]

صح لسان الشاعر عبدالله بن زويبن الحربي..قصيده أكثر من رائعه

يعطيك العافيه يارشيد...لاهنت

تحياتي