من قصائد جهينه (3)

[ابومسلط]

هذه القصيده للشاعر/بخيت مسلم السناني الجهني

[poet font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
ياراكب اللي غير فرمل وبنزين = اللي ليا قفى سريعن غياره
لاقفى مع الخده سوات الشياهين = لاكف جنحان السعد بنحداره
وقت الهداد وجايعن له نهارين = وفكو له البرقع وشاف الحباره
جمسن جديد موديل واحد وتسعين = بالشاص واللوحات والاستماره
اللون عنابي وبالجنب لونين = ومميزاته كلها بالغماره
مايتعب السواق لو ساق يومين = ممشى ثلاث ايام له من نهاره
لا ريٌحه من بعد ميه وعشرين = مثل السحاب اللي تقطع غباره
ينصى لابو هذال زبن الضيافين = سقم الحريب وعز ضيفه وجاره
راع الكرم والجود مقدم وهالحين = والمذهب الطيب بجوده وقاره
ساير على طبع الجدود القديمين = والنمر مافي داره الا النماره
بالمرجله والطيب والجود والدين = هذا الكلام الصدق ماهو قماره
يستاهلون المدح حينن بعد حين = والا الردي مدحه حرام وخساره
واليا تقهويتو وقال انتم منين = عطه العلوم كبارها والصغاره
قله بخيت معذب له زمانين = وان كان كبيته قريب انتحاره
اسباب همه داعج الكحل فالعين = الجادل اللي معتدل في مساره
واف الخصايل كامل الوصف والزين = ابوجميرا فوق متنه استاره
مسكانها بالعيص بنت الشجيعين = اهل الكرم واهل العلوم الخياره
منساه مادمنا على الكون حيين = الا على قبري تحط الحجاره
كن الشهر يمضي عليٌه بحولين = مثل السجين اللي عليه الخفاره
حدتني ضروفي عن العيص شهرين = ماصح لي لو هو نهارن زياره
اما تعلمني ديرته وين = ولا تقول اليا ذوانه بداره
ان قلت لاهالحين بالعيص باقين = نلت الثواب وثم نلت البشاره
وجدي عليها وجد من ساقه طحين = بارضن خلاويه بعيده دياره
لو انه ينادي يدور المحجبين = ماله مجيب يشب له ضو ناره
يعول عويل الذيب ساقت محيلين = يبغى العشا ومتعبه في مداره
يبادل الونات ويقول الى وين = ثمٌن يصفق في يمينه يساره
طواه كل الياس والهم والدين = ماحوله اللي يجبره بالجباره
هذا جوابي مرسله بالعناوين = والرد لايطول علي انتظاره
وختامها عدادها فرض المصلين = وعداد من بالحج يرمي جماره
[/poet]