قصيده تعبرعن نفسها

[عبدالله الاصعر]

ابيات شعري على فكري مرتبهـا=ارسـم كروكيهاوابنـي مخططهـا
اسبك بيوت الشعربالعقل واكتبهـا=ولهامعـي رابطـه بالفكرتربطهـا
اترك هزيـل المعانـي واتجنبهـا=اروح لسمانها مـاروح لوسطهـا
ولياعصتني بجهدوعزم اجيك ابهـا=مثل القلايع لاجيبت من مرابطهـا
خل الغزل سيرته مانـي بجايبهـا=مـدام راع البلوتـوث امتهوطهـا
ابيات شعري مـع المعناتناسبهـا=والعمله النـادره ماحـد يفرطهـا
ماني بمن يسمع الجملـه ويعربهـا=بعراب خاطـي وبفكـاره يخبطهـا
ويقول اناشاعرالساحـه ومطربهـا=تطرب لشعري هل الساحه وينشطها
ركب ذلوله وجـا المغروريشعبهـا=ماحد درى ليـن فالميـدان قلطهـا
ثم قام ينفض يدينه لاجل يكسبهـا=وقدور صدره على غيرالسنع تطها
ليا القى القصيده بصوته لوينكبهـا=صوته ليا اوحوه راحو في خرايطها
ناس على جرته تشعـب ركايبهـا=تمشي مماشيه والجـره تلاقطهـا
يشجعونـه بفعلـه لـو يعطبـهـا=اشكال مثلـه وغابطتـه وغابطهـا
لو ان بنـت الهـوى عيايناسبهـا=تخططـت ميرمايسمـع تخططهـا
اقفـى عليهـا وشرقهاوغربـهـا=وغيربالافكارقيمتـهـا وهبطـهـا
يبا السنـع ميـر مايقـدر يعتبهـا=مثل العمـى وده ابهـا ويتخبطهـا
لكن كلمة شعر معـروف صاحبهـا=اللـي معانيـة مسبـوك ترابطهـا

قصيدة الشاعر /عبدالله ضيف الله الاصعر الثعلي