قصيــدة شالح السبيـــعي في عتيبــــة

[السبيــــعي]

\

\

قصيدة الشاعر شالح بن حمران بن نعيس السبيعي في الشيخ عبدالمحسن بن حشر بن حميد
عندما زار قبيلة سبيع في رنيه عام 1409هـ

يامرحبـا ياميـر نجـد واهالـيـه=مــن جــدك الاول قـديـم وتـالـي
انتم شيوخ البر واللي نـزل فيـه=ماطـرت القمـرا ويــم العبـالـي
وايمن منازلهم حدود العلـم فيـه=ويسـار لامـن الحيـا جـاء شمالـي
ترعـونـه بـعـرب تقـطـف حـلاويـه=غصـب علـى نشرالخفيـف المـوالـي
وان صرصر الجندب ويبسـت مراعيـه=تلقى على المحـدث بيـوت واهالـي
تلقـى بيـوت قيلـن الـفـلا فـيـه=ومصـطـرات فـيـه صـبـح الـدلالـي
ومن غيرها يلقى العشا عند راعيه=يلقاه مـن شانـت عليـه الليالـي
لاد الكريزي لاشترى المـوت شاريـه=ثم صاح صايح والدبش في المفالـي
لحقوا على مثل المها في تحاليـه=صفـر غذاهـا مـن حليـب المتالـي
مركاضهم يبـرد ضمـا كبـد راعيـه=لا دبــر الاول وخـــلا الـتـوالـي
لا قام راع الغوج ينخا ولـد خيـه=يافـلان ياحامـي عقـاب التـوالـي
تـرى حصانـي شرعـن الرمـك فـيـه=بمشلشـلات مـثـل وصــف الحبـالـي
كـل ينـادي ميتـه يقتـضـي فـيـه=والحوم في جو السمـاء لـه ظلالـي
اوحي الكريزي يوم كثـرت عزاويـه=ماعـاد لـي حيلـه ولا لـي محالـي
قمت انـدب كحيـلان يرفـع مواطيـه=وقام يترفـع مـع رفيـع الحبالـي
در العرابـا شاربـه فـي حواجيـه=قـام يتزبـر كـنـه ام الغـزالـي
انت الامير اللي زهى الكيف راعيه=والختـم فـي يمنـاك عصـره هلالـي
ورث لبـوك وجـدك اللـي يوالـيـه=والجد الاقصـى ذاك ريـف الهشالـي
بيت الندى تلقى الندى دايم فيـه=وبيت الهوينـا مايجـي لـه ظلالـي
احييـت عـادة شايـب كنـت تاليـه=وشرفتنـا يـوم ان سلـكـك جـلالـي
يامرحبـا ترحيـب غــال لغالـيـه=وترحيب من شاف المطـر والخيالـي
وترحيب مولود حبـا بيـن اهاليـه=امـه تجـره فـي سمـيـن الظـلالـي
اهل طلال ويومـه اللـي جـرى فيـه=كـم سابـق طاحـت عوضهـا الجلالـي
وكم سابـق راحـت رسنهـا تباريـه=خلـى ثقلـهـا طـايـح فالمجـالـي
وصـلاة ربـي عــد مـاهـب ذاريــه=على النبي اللـي حكـم بالعدالـي

آخر تعديل السبيــــعي يوم 04-Jun-2008 في 08:48 PM.

[وافي الخماش]

صح لساانه ويستاهل ابن حميد ..