روائع قصائد بندر بن سرور في الفروت

[الطلحاني]

بسم الله الرحمن الرحيم
السلام عليكم ورحمة الله وبركاته
مساكم الله بالخير جميع
حبيت اني اشارك باأبيات خفيفه في خيمة الشعر ولو اني ماني بشاعر
لكن... لفت نظري كتاب لبندر بن سرور منوع وفيه قضائد في مدح(الفروت) حيث انها كما تعلمون يمثابه الجيب والحوض في الوقت الحاضر...... اولا نبي نقدم لكم نبذة عن هويه الشاعر بندر((رحمه الله)) =
هو بندر بن سرور بن خضير القسامي العتيبي من مواليد القرارة احدى توابع منطقة الدوادمي
عام 1360هــ في سنه عرفت بربيع ربلان
ندخل الان الى شعر بندر عن السيارات و(الفروت) خصوصا لان لها حيّز كبير في شعره عن السيارات
نترككم مع بندر ومعشوقته الفرت........
من فوق فرت يــوم يرخـي المتونــي#جول القطا اللي واردن عقب مــرواس
من مــارده ياعبيـــد شابـــت عيـــوني#و من مصدره ياعبيد شاب اسود الراس

قصيده يتوجد فيها على معشوقته الفرت
الا وا وجدي وجد من صك دونه باب#بقفـــل اعجمــي مغلقــات مســـاميــره
عدو به على اللي كنه النسر بالمـرقاب#على الجمـس الاصفر كاملات شراشيره
معه فرت خمسه طن ياخذ ميـه ركـــاب#مـــن المـــال عيّـــن ينقلنّـــه تغاييـــره
دخل هو وحمله للحكومه بغير حسـاب#وراعيـه عشــر سنيـــن ويعــاد تقريــره
على اللي كواني كيّه العظم بالمشهـاب#على اقصى عراو القلب محمي مناشيره
عشيري ورا الكودة وانا من ورا مشعاب#بعيد قريـــب تعيــب ياهــون تفسيره
ولا يوصله كود(فرت) عليــه اسطاب #ليا حاســـب الســـوّاق تقـدح مواخيره
صنايع بياطيــر الكفر لابسيـــن الكــــاب # عصاة اليهــود اللي مشاريبها البيـره

الا يانديبي فوق فرت ورد من شــرق#على راس قيــره للعليمــي تعاشيــــقه
من الوارد اللي جمركه عند راعي عرق#على المطرق مجبور ياخذ قماريقــه

راكب اللـي يوم طب مــع النفــودي # كن صلفــات الهبــايــب عــج ويــله
صوت سيره يوم غنّـــى بالعمـــودي #صوت ذيـبن وايــق بـراس الطـــويله
واما معنى كلمة(ويلة) في البيت الاول فتعني بالانجليزيه (كفرات) لتأثر الشاعر بالاجانب خلال سفره الى الكويت
من فوق فرت مايشيل الا الصقاقير # من زود فنّـــه صافيــات بلـــوفـــــه
بعريــبـــيــا مارهّموا له مسانيــــر # من دوله النجمـــه مبادي حـــروفـــه

ياهل الونيت اللي على مدقره ميــم#نقــل الرياض الخــط مــا توصلـــونه
صنّــاعتــه مخطين ملّــــه ابراهيــم#حمران روم لونـــهم مثـــل لــــونـــــه
والله لو امسك طارتــه يــا مغانيــم #ما عاد اقلـــد دولــــه يصنعــونـــه


الله على اللي يـــوم بفتـــل عموده #يطلع ثرى ارض بعّد القيـــظ مــاهـــا
ليا أونس ثقيل التــس يــرخي متونه# شيهانه ترخـــي المتــــون لعشـــــاها

وان شاء انا نبي نكمل لكم الجزء الثاني....
بس هالحيون اصابعي متسمره الله يدفع البلاء ...ماعاد اقدر اثنيها

منقوووووول

[عبدالرحمن الهيلوم]

الله يالقميشي
ياهو شاعر بكل كلمه نعنيها
شكر للنقل الموفق

[عبدالله الجـــذع]

الله يرحمه متنبي عتيبه

قصآئد ولااروع

لاهنت ع النقله المميزه

محبك

,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[/عبد العزيز الجذع/]

اله يرحم متنبي زمانه..


قصائد جميلة..


مشكوور يالقميشي..

[% المفرجي %]

كلمات رائعه ونقل اروع
ألف شكر يالقميشي على هذا النقل الرائع
تقبل مروري

[الطلحاني]

مشكووووورين

ماقصرتوا

من طيبكم