ملفي×××محمد السناني

[/عبد العزيز الجذع/]

ملفي

مرحبا فالحله اللي لها شأن رفيع = في السنين الأوله والسنين التاليه

من هبط سوق الغلا يشتري ولايبيع = يشتري ويبيع في كل دعوى غاليه

السناني

البقا واللي يجيب الدلائل مايضيع = والعرب كلاً يشوف النجوم العاليه

قابل العربان بالعقل والصدر الوسيع = الليالي يوم مره ويومٍ حاليه

ملفي

يامحمد لاتنادي على رؤوس الجميع = تحسبنك واقفٍ في ديارٍ خاليه

إنشر الأخبار ياصحف وأعلن يامذيع = مالله ألزمنا بجمع العظام الباليه

السناني

جيت أعلم وأتكلم ولي قلبٍ شجيع = والديار بخير وأنته وش الأحواليه

لاتحسبنك مسوي بخلق الله صنيع = بكرة الحملة يقفي بها الجماليه

ملفي

دايم المدهور يفرح ليا شاف الربيع = مير من دونه شبوب الجحيم الصاليه

سرع ماشفتك مروّح مع الخط السريع = روح مع ذرٍ خلا جعل مالك واليه

السناني

قسمت الأرزاق مافيه ديس بلا رضيع = لاتحسبنك مسلم وعينك ساليه

كنت عاقل وش يحملك مالا تستطيع = إعرف إن الأرض زلزل بها الزلزاليه

ملفي

لوتبي شقرا ترى دونها الحصن المنيع = والحصون أثبت من الضلع ماتنشاليه

يامحمد لويهب الهوا مع كل ريع = مايحرك في طرف غترتي وإعقاليه

السناني

أدرإنك جيت فازع ومن غيرك فزيع = مير خاطب حارس الباب والأقفاليه

[عبدالرحمن الهيلوم]

لاهنت يااالذيب

[@ـايل]

الله الله

صح لسان الشاعر الكبار

والله يعطيك الصحه والعافيه اخوي الغالي عبدالله الجذع على نقل المساجله الطيبه

لاهنت وقواك الله

التوقيع

تويتر : AlHooL@

[عبدالله الجـــذع]

محآوره جميله جدآ

من شعرآء كبآر

لاهنت يالجذع
محبك

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[/عبد العزيز الجذع/]

لاهنتوا على المرور..


اخوي هايل عاين اسمي زين..!

[محب الهيلا]

مشكور وماقصرت

[/عبد العزيز الجذع/]

مشكووور على المرور...

[وافي الخماش]

الله

الله
وصح لسان ابو وافي وجنيه الذهب ,,
ملفي

لوتبي شقرا ترى دونها الحصن المنيع = والحصون أثبت من الضلع ماتنشاليه

يامحمد لويهب الهوا مع كل ريع = مايحرك في طرف غترتي وإعقاليه

السناني

أدرإنك جيت فازع ومن غيرك فزيع = مير خاطب حارس الباب والأقفاليه

مشكور يالذيب ولا هنت تسلم يمناك ..

[/عبد العزيز الجذع/]

لاهنتوا على المرور...