سوق السحاب يسوقني يمك الشوق

[عيسى العوفي]

	سوق السحاب يسوقني يمك الشوق=سوق الرياح لسحبها في فضاها هبت ويتبعها ضهى المزن برفوق=غربية قام يتصافق هواها اظلم سماها واكتسى الجو من فوق=وركد اثقال المزن وانهل ماها ديم مطرها وارتوى كل زملوق=من فضل ربي يوم ربي عطاها مراحب يرتع بها راعي النوق=خضراءغدت يوم الربيع اكتساها فيها النفل فيها الخزمى لها اطروق=فيها ام سالم ساجعه في غناها انا على ذكرالحيا دوم مطفوق=انسق الرحلات واسعى وراها مجهزالعزبه معي وسط صندوق=عيسى الرشودي لونسى مانساها فنان بالجمري مقلقل ومسلوق=وان جيت للكبسه معي ماعلاها ومهيله تنعش وبراد محبوق=والناس منهوعاد يدرك ارضاها وخدمة خويي واجبي خيرمنطوق=عتزفيها وافتخرواتباها الصحبه اللي بالسفركلهم ذوق=عن سيرة الانذال تكرم لحاها مابينهم خدعه ولابينهم بوق= خوة رجال عاليا مستواها فلة حجاج وكل مطرود ملحوق=ولادامت الدنيا لحيا بغاها القاف ابا سجه على كل طاروق=مع سكة اخطوط بعيد مداها مع القريحة بين سابق ومسبوق= نوب تعصاني هي ونوب اعصاها ابعد عن النمة وهرج بمخلوق=مجالس مايانس اللي لفاها والمزح احبه دائم يمه اتوق=طبعي وربعي ماتضايق عساها وقلبي خضروان شاف له زول غرنوق=على الشرف والا الرديه حشاها مايستترمن يرتدي ثوب مشقوق=السمعه اغلى من حياتي غلاها والعلم كنز وتاخذ الطاق مطبوق=سلعه ثمينه ماخسرمن شراها =عيسى الرشودي العوفي=

آخر تعديل عيسى العوفي يوم 05-May-2008 في 11:37 PM.

[معلا إبراهيم الأسعدي]

مايستترمـن يرتـدي ثـوب مشقـوق=السمعه اغلـى مـن حياتـي غلاهـا
والعلم كنز وتاخـذ الطـاق مطبـوق=سلعـه ثمينـه ماخسرمـن شـراهـا

عيسى العوفي

صح السانك يامبدع


بارك الله فيك

التوقيع

[عبدالله الجـــذع]

الله

مشكور ياعيسى على هذه الرآئعه

جزله يالجزل

لاهنت وصح لسآنك

ننتظر جديدك يالغالي

محبك

,’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عيسى العوفي]

اخي الفاضل شامان الاسعدي
صح بدنك
تشرفت بمرورك الكريم
تحيااااااااااتي لك

[عيسى العوفي]

الاخ لفاضل /عبدالله الجذع
صح بدنك
تشرفت بمرورك الكريم
لك الود

[بدرالهبيري]

مراحب يرتـع بهـا راعـي النـوق=خضراءغدت يـوم الربيـع اكتساهـا
فيها النفل فيها الخزمى لهـا اطـروق=فيهـا ام سالـم ساجعـه فـي غناهـا
انـا علـى ذكرالحيـا دوم مطفـوق=انسـق الرحـلات واسعـى وراهـا

ارحب ياعيسى وصح السانك ومين اللي
مايحب الحيا وكل رجال راعي نوماس يتبع
الحيا والعرب قالوا قديم :
الزين مثل الحيا متبوع - لو ماتلى الناس يتلونه

صح السانك مره اخرى ودام ابداعك ..
تحياتي وتقديري .. بدرعيد ..

[معجب العتيبي]

صح لسانك يالعوفي


وصف رائع

وابيات جميله




شكرا وننتظر المزيد

التوقيع

[عيسى العوفي]

لاخ الفاضل/بدرالهبيري
تشرفت بمرورك الكريم وتعليقك الهادف
لك خالص تحياااااااااااااتي
وتقديري

[عيسى العوفي]

الاخ الفاضل معجب العتيبي
اشكرك على مرورك المشرف
تحياااااااااااااااتي لك