مقناص ضبـــان مصور ( انواع الفلــه )

[سعود الشايوش]

السلام عليكم ورحمة الله وبركاته ..

كيفكم ان شاء الله بخير ..

مدخل : بناءً على تعليمات الهيئة الوطنية لحماية الحياة الفطريه .. وايماناً منا بضرورة الوعي عند صيد الحيوانات البريه .. فإني انصح اخواني الزائرين لهذا الموضوع وانصح نفسي بعدم الاسراف او الصيد بغير الحاجه .. حتى نحافظ على استمرارية هذه الثروة ..


معلومه : الضب حيوان زاحف << وش تضحك منه يعني اول مره تدري انه زاحف .. مفيد للمتأهلين ولاينفع للعزاب مثلي ومثل واحد من العيال << وش رايك تقول اسمه ..هع هع


قبل يومين قنصت ضبان والحمد لله صدنا كفايتنا في ارض تفتح النفس ماوطاها بعد المطر غيري والعصافير .. ارضٍ خلا على قولتهم ..

ما طول عليكم تعالوا نشوف الارض وزينها بعد المطر ..














وش رايكم ارض تفتح النفس اكيد الاجابه ( ايه ) << مايعرف يقول نعم ..

هذا اول الضحايا واثق شوفوا وش بيصير فيه ..




تسلم يمينك يالبواردي قولوا ماشاء الله ..




طالع مضرب الطلقه ورى بـ ( النثيله ) ..




هنا اخلي مسئوليتي لمن يتحملون رؤية هـ المنظر ..




تابعونا وقصة ضحايا اخرين ..



..

[/عبد العزيز الجذع/]

ما شاء الله..


هاه كم جبتوا واحد

[عبدالله الجـــذع]

ههههههههههههه

الشايوش انتم مجرمين كيف تذبحون حيوآن مسكين مالو ذنب <<الآخ لبناني

رحله سعيده وكبسه آسعد

مشكور يالغالي على التقرير الممتع

محبك

.,:/

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[البتار الغبيوي]

كم تعطوني ولا أعلم عليكم واستخدامكم سلاح غير مصرح به

جعلها كبسة مبروكة وشلون ثروبها سمين ولا هريانه

شكراً لك ولموضوعك

[سعود الشايوش]

نكمل

الضب نفس ماتقدر تحكم على اصابتها مهما كانت اجادتك للرمي ..<< هذا تبرير انكم ما اصبتوا يعني

تعالوا نشوف قصة الضب اللي ما الله كتب إنا نصيده ..

هذا هو وش حلو الرزه ..




جت الطلقه وراه وبعدين نزل ..




الله اللي كاتب له نجاه .. الثانيه وراه بعد ..




هذي صحّت قلبه .. وبعدين اطلقنا عليه وجحر وماصدناه << عارف مانتم بوارديه .. ترى انا مالي دخل مغير مصور بس هع هع



وهذا الثاني اللي ضيعناه ..




جات دونه وغطاه الرمل وانتم بكرامه وبعدين جحر




باقي قصة اثنين تابعونا ..



..

[سعود الشايوش]

استكمال الجزء الاخير ..

تنويه :

من خلال هذا الموضوع حبيت اوصل رساله في الترشيد اثناء الصيد .. لا احد يمنعك من القنص والتنزه ولكن يجب ان يكون لدينا وعي وان نأخذ بقدر حاجتنا فقط دون اسراف ..


مثلما اخطأنا اثنين اصبنا مثلهما .. تعالو نشاهد ..


هذا كان بعيد وحذر ووفقنا في صيده الزووم ع الاخر ..



تم صيده بنجاح ..




وهذا الاخر .. يازين القنص في هـ المكان ..




الاولى وراه شف ( الغبره )




الثانيه لا ماتروح فيها يابو حمد ..




بكذا انتهى التقرير والباقي مشفر .. حفاظاً على صحة بعض الناس

ارجو ان نال الموضوع استحسانكم ووصلت من خلاله الرساله ..


..

آخر تعديل سعود الشايوش يوم 04-May-2008 في 08:06 PM.

[القادم بقوة]

يا مال العافية
خوش صيد

[محب الهيلا]

مشكور وماقصرت

[عبدالله بن دبيس العتيبي]

الف شكر ياخوي سعود تقرير رائع

وصور رائعة


بس ماقنصت السنة هاذي وهل الضبان سمان ولا هريا





وتقبل حبي وتقديري

[ابو سعود الجذع]

ياســـــــــــــــلام