لويبسات الــزمــــــام

[غـيمار]

نص متواضع آمل له القبول

يالعاشق اللي عشقت لويبسات الزمام=لاتحسبن الهوى لعبه تسلابها
تعال اخذ درس مجاني واخذلك وسام=يكفيك من مشكله من قبل تبلابها
العشق سم الكبود وكل مامنه سام=لو كان اله بهجتٍ حلوه ويبدابها
يبدى بنظرة عجب ويهل حلو الكلام=وتطير بقعا على بقعا ويسرابها
وتبنى حلوم الوهم من فوق حدالغمام=ويطاف بحلومه القشرى ويسعابها
لكن ماينتهي في لم شمل وتمام=تبقى رجومه منيعه صعب يرقابها
والدرب ماهو بسمح ومعضلاته جسام=اما اعثرك طنبها تعثر بمنسابها
انصحك لاتقربه وتذوق سم السهام=اللي تفج النحور وتصعب اطبابها
قدام لاتنسجن في سجن قصرالغرام=وتضيّع الهقوه اللي فيه تهقابها
لاتعتذر بالذكا وتضيع وسط الجهام=واحذر تقول اهل مكه تعرف شعابها
تراه لو دخلك مع باب برد وسلام=فنهايته محرقه مخرجك مع بابها
هذي حقيقة ضحايا العشق فام الزمام=اللي تغدابها واللي تعشابها
وان كان مااوحيت علمي ماعليّه ملام=شرحت واسهبت فالعله وفاسبابها
لكن عندي نصيحه ختم مسك الختام=وانته على مصلحة نفسك تقهوابها
اياك لاتنخدع في حب بنت الحرام=اللي بكل الدروب اتْسحْب ثيابها

غيمار

[/عبد العزيز الجذع/]

ماشاء الله..

قصيدة رائعة...

صح لسانك...

[غـيمار]

عبدالعزيز الجذع

كل الشكر والتقدير

لتكرمك بالمرور

وصح بدنك وسلمت

غيمار

[معلا إبراهيم الأسعدي]

صح لسانك...

التوقيع

[معجب العتيبي]

ماشاء الله..

قصيدة رائعة...

صح لسانك...

التوقيع

[عبدالله الجـــذع]

بيض الله وجهك

جزله يالجزل..

لاعدمنا قصائدك يالغالي..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[غـيمار]

شامان الأسعدي

اشكر لك كرم مرورك

وصح بدنك وسلمت

غيمار

[هيض القصيد]

ما شا الله قصيده رائعه صح لسانك

[غـيمار]

معجب العتيبي

كل الشكر لكرم مرورك

وصح بدنك وسلمت

غيمار

[مرزوق حمدان العتيبي]

..
.
لله درك وصح لسانك ياغيمار
...
ننتظر المزيد فمن شعرك لايمل ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD