ذكر أن الذكرى تنفع المومنين

[صنداح الزلامي]

يا الله يا الله يارب الملاء ياعالي الشان = يا خالق الخلق يا علام مكنون الظمائر
ياباسطٍ سبع يارافع سبع من غير عمدان = يا مكون الكون سبحانه وعلام السرائر
ياواحــدٍ مالنا غيرك نجاة وماش مزبان = اٍلأ انت يامزبن المظهود حلال الجوائر
يافارج الكرب يامعطي عطا رحمه ورحمان = رحمتك يا الله في يومٍ به الدخان ثائر
في ساعةٍ تجمع الاعمال وتوزن بميران = ولا ينفع النفس فيها لا دفاع ولا بصائر
اٍلا ان رحمتك هي اللي لها بالفعل برهان = حتى ولوكان حمل النفس فوق النفس جائر
وأنت الغني يامدير الكون ولا العبد فقران = لوزان وقته وسوى له من الدنيا تجائر
أيام مع طفرة الدنيا ولا كنه ولا كان = في بضع ساعه وكانه مع هبوب الريح طائر
والله يعلم بمن رابح ومنهو كان خسران = والرابح اللي ملائكته يجونه بالبشائر
وهناك ينشركتابأ فيه له بالفعل عنوان = وتنشرالصحف بالعمال وتدور الدوائر
وكلٍ على مافعل من دون زود ودون نقصان = وقدر العمل تحسب الحسنات وتعد العثائر
والفوز للي كسب حسنات بالحسنات فرحان = وراع العثائر يشوف الويل ويذوق العزائر
ويا الله يا الله يامنهو يجود بجود الاحسان = أجعل لنا في هذاك اليوم من لطفك ستائر

[عبدالرحمن الهيلوم]

ذكرك الله الشهاده يالغالي

[سلطان العصيمي]

صح لسانك يا صنداح

[محمد صالح العطاوي]

بيض الله وجهك علي هالقصيده الرائعه
وتقبل تحياتي

[صنداح الزلامي]

عبد الرحمن الهيلوم


شكرأ لمرورك العطر والمميز............... دمت بخير الخوي

[صنداح الزلامي]

ناصر عتيبة


صح بدنك اخوي الغالي لك مني جزيل الشكر

مرورك وفاء تحياتي لك

[معجب العتيبي]

صح لسانك ياصنداح

التوقيع

[صنداح الزلامي]

محمد صالح العطاوي وجهك ابيض يالعطاوي

والله يقدرنا على مايرضي ذايقتكم ويرضي الله عزوجل


دمت بخير اخوي