الجزيله بالهزيله ماتشبه

[صنداح الزلامي]

عشرة الانذال من نوع المسبـه=والمسبه نوع من نوع الاهانـه
والكلام اللي الظمائـر ماتحبـه=ما اقبله واحط له عندي مكانـه
والهزيلـه بالجزيلـه ماتشبـه=والامانـه ماتشبـه بالخيانـه
والكلام الشين من طبع المسبه= والوفاء لهل الوفاء واظمن ظمانه
ومن عطاه الله فكرٍ خاف ربـه=والفكر للشخص تكريم وحصانه
ومن لعب به غي وقته ماتنبـه=يحصد الا ثقال من جرت لسانه
واللسان يطب به في وسط غبه=غبةٍ منها الخطر ويقـل شانـه
في عيون الناس لو هرجه رغبة=ويعرفون اما غبـي ولا تكانـه
والذهب والماس معروفٍ مصبه=والبشر كلٍ له اعراف وديانـه

آخر تعديل صنداح الزلامي يوم 25-Mar-2008 في 01:54 AM.

[ابراهيم الزراقي]

صح لسانك شاعر مبدع بما تعنيه الكلمه

واصل طريق الابداع ولاتحرمنا من هذه الروائع


تقبل تحياتي..ابراهيم الزراقي

[صنداح الزلامي]

الاخ الشاعر/ابرهيم الزراقي


صح بدنك اخوي الغالي مرورك قصيده

والابداع حضورك الجميل ومشاهدتك لصفحتي

دمت ................ بخير

[العتيبي ناصر]

قصيده ممتازة , لكنك اخطيت في الشطر هذا , او أنني مخطئ, أليس من الافضل ان تستفتي فيه ثم تورد الفتوى هنا؟ (( من باب البحث عن الخير )) , الشطر يقول : ((ومن لعب به غي وقتـه ماتنبـه )) , هداك الله اعلم أن الدهر هو الوقت وهو الزمان وهو اليوم وهو الساعه, وفي الحديث القدسي: يؤذيني ابن آدم يسب الدهر وأنا الدهر إذا : (((الله ---> الدهر ))) , وأنت قلت في أول الشطر مايُنَزَّه الله عنه ((لعب به )) وكذلك ((غي)) فإن كنت تعني بالغي الظلم, فالله أيضا ليس بظلام للعبيد, قال أعدل العادلين ((مَنْ عَمِلَ صَالِحًا فَلِنَفْسِهِ وَمَنْ أَسَاءَ فَعَلَيْهَا وَمَا رَبُّكَ بِظَلامٍ لِلْعَبِيدِ )), , وما كتبت لك ذلك إلا أُريد الخير لي ولك.
وأرجوا أن تعدلها وأرجوا من المشرف تثبيتها إن أمكن , بعد تعديلها وما ذلك إلا لما تحويه من كلام مفيد.
والله ولي التوفيق

آخر تعديل العتيبي ناصر يوم 25-Mar-2008 في 03:01 AM.

[معجب العتيبي]

صنداح مبدع لاتكفيك

كل ماتأتي به يجبرني على قراءته

لاهنت ولا تحرمنا من كل ابداع

التوقيع

[معلا إبراهيم الأسعدي]

يحضرني بيت الي::: اقول

(الفضيله والرذيله ماتساوا مع بعضها= وان تساوت مع بعضها قلت لدنيا سلام)

--------------------------------------------------------------------------------



ومن عطاه الله فكرٍ خـاف ربـه
والفكر للشخص تكريم وحصانه
ومن لعب به غي وقتـه ماتنبـه
يحصد الا ثقال من جرت لسانـه






الله




يا صنداح صح السانك

التوقيع

آخر تعديل معلا إبراهيم الأسعدي يوم 28-Mar-2008 في 12:39 PM.

[أبو وافي العتيبي]

صنداح

صح لسانك ولاهنت


مبدع ماشاء الله عليك


تحيتي