اللابه اللي مترو نجد تمتير للشاعر/ نايف بن حليمه

[ابن حليمه (اميرالقوافي)]

(( الملتقى الثقافي الادبي الاول لقبيلة عتيبه بدولة الكويت))


من دار ابو متعــــب إكعــــام الجبابيــــر
000 الحاكـــــم العـــادل كريـــم الفصايـــل

سقــت القـدم بالعـز في حـزة عصيــــر
000 للعـــزوه اللـي ترتـكـي لكــل مايــــل

احمــل تحيـــات وســـلام وتعــــابـيـــــر
000 ممــزوج بالعـنـبـر وعـطـر الرسايــل

جيــت افتخــر وإلي الفخــر دون تبـرير
000 باسـم القبيـلـه جيــت والشـــك زايــل

من نجــد اباشـركـم ورود ونواويـــــــر
000 باســـــم الفـخــوذ وباسـم كـل العوايل

وباسـم الرجـال اللـي تهـــز الطوابـيـــر
000 سلايــــل اللـــي يــوم دور الفعــايـــل

في ملتــقى العتـبـان فكـره وتطــويـــــر
000 جمـــع الثـقــــافـه والادب والحـصايل

بدار الصبــاح اخـوان مريـم هـل الخيـر
000 ال الصبــاح مـكـمـــليـن الجـمـايـــــل

والشيــخ ابـوناصــر حكـيــم التدابـيـــر
000 شيــــخ كريــم ولايحــب السهـايـــــل

جمــع على الطـــاعـه وعـز وتقـديـــــر
000 يفــخـر به الطيب من اقصاء القبايـل

وشلـــون مانفـخـر وحـنا المـنـاعيـــــر 000
عتيـبـه الهـيـــــلا بقــول وفعـــايــــــل
ا
للابــه اللـــي ماتهـــاب المـخـاسيـــــر
000 لاثــارت الهـيـجــــــا وشبـت فتـايـــل
ا
للابــه اللـي تلـطــم الخـشــم ويصـيــر
000 اعــدل من السيــــف الحدب بالمثايـل

اللابــه اللي عـطرو الجـــو تعـطـيــــــر
000 بالعـــــود الازرق والـدسـم والدلايــل

اللابـــه اللــي مـتــرو نجــد تـمـتــيــــر
000 يشهـــد لهــم عــــــود بهـاك النثايــل

ويشهـد لهم سنجار والهضب والنـيـــر
000 وتشهـد لهـــم بالفعــل خيـل اصايـــل

ويشهــد لهـم مجــد ثبــت دون تغـيـيـر
000 ماهـــوب تاريــــــخ يبـــدل بـدايــــــل

وهايـــب المـولى تـفــوق التـقــاريـــــر
000 شـــان عـظـــيـــم من عظيم الجزايـل

والنعـــم في باقـي القبايـــل بتكـريــــــر 000
كـلــن علـى فعـلــه وللطـيـــب طايــل

وختامـهــا صلــو صــلاة بتكبـيـــــــــــر
000 عــــداد طفــل صــاح والـدمع سايـــل

على نبـــي بعـثــتـــــه بالتـبـاشـــيــــــر
000 وخــوالــه العتـبـــان وافـي الخصايـل

شعر / نايف بن غزاي بن حليمه
( امير القوافي 2006)

آخر تعديل ابن حليمه (اميرالقوافي) يوم 15-Mar-2008 في 10:14 PM.