الطارف سداد؟؟؟؟؟؟

[عبد المحسن الحلحلي]

من هجوسٍ تفوح بزاكيات العطور=والبيوت الجزيلة يندرج دولها
بين شاعر لحون وبين شاعر شعور=يختلف مارث القلطة ومدلولها

[صاهد الشيباني]

كل هاجس يعبر عنه بين السطور=حي والله هجوسٍ صادقٍ قولها
سرها يابن حلحل والمحالة تدور=بين جمٍ قراح وبين حثلولها

[عبد المحسن الحلحلي]

مرحبا والمعرّف عرّفه بالمرور=والعرب ما تمّيز غير بفعولها
فرق بين الحنادي فرق بين الصقور=كل سابق يداها تسبق رجولها

[صاهد الشيباني]

طافت الاولة والثانية لاتبور=والفعايل تقيس عند ماسولها
دام تعرف فروق الشكل بين الطيور=هد حرٍ يقالب فالسماء جولها

آخر تعديل صاهد الشيباني يوم 25-Feb-2008 في 06:21 PM.

[عبد المحسن الحلحلي]

يا غريب المدينة بين ضيم وجور=عرّفوك العرب وألا أنت مجهولها
ماقعي بين خطلان اليدين امخبور=والبلا بالغريب اللي مع ثعولها

[سعد السميري]

الله الله



باداع


الحلحلي ,,,,,,,,الشيش



لكم كل الشكر


وصحت السنتكم لا هنتوو طاروق جميل جدا ومعاني تدل على شاعرية كلا الشاعرين


يعطيكم العافية

[صاهد الشيباني]

الغريب الذي مالها مع الناس شور=وان رماله رمية وقعت حولها
ماقعك ياعميلي بين حنجر وزور=لانت حاكم بلاد ولانت مرسولها

[صاهد الشيباني]

الله لايهينك ياسعد على تشريفك للطاروق

[عبد المحسن الحلحلي]

ليه يا صاحبي تنبش عن أصل الشرور=الجبال وحصاها ضدّت وعولها
الجنايز كرامتها بطون القبور=والعلوم الكثيرة جاك مجمولها

[عبد المحسن الحلحلي]

شرفتنا يا السميري



.الحلحلي.