شيخة شمر

[محب الهيلا]

السلام عليكم ورحمة الله وبركاته


قال هذه الابيات عدوان الهربيد من السويد من شمر


شيخة شمر



المجلس اللي بـه إسماعيـل وسعيـد**ينعاف لو قربه علـى الكبـد غالـي
إسماعيل ماسمتـه سمـت الأجاويـد**وسعيـد ماداجـوا عليـه الرجالـي
غيا لك الضمران والفـرس ياسعيـد**ياجعل ما لحماض الأطعـاس تالـي
ياسعيد هرجك بـه مغيـر وتراديـد**توقر من الهرج الرخيـص الجمالـي
وحكي على أكناف العـذارى مناقيـد**ولا يطيب الصبيـان كـود الفعالـي
أخاف مـن جيـشٍ كثيـر العراجيـد**يضميـنـا ياسعـيـد بالإحتمـالـي
أنـا بـلاي مزهبـيـن البـواريـد**وأهـل السيـوف ميتميـن العيالـي
مابيـن شمطـان اللحـا والأوالـيـد**نضت عيـالٍ فـوق مثـل السيالـي
مركاضهم ياسعيد مـا بـه تصاديـد**ذباحـة الطيـب نـهـار القتـالـي
ياسعيد لو تضرب علـى دارة الديـد**بزرقـاً تسـل الـروح بالإشتعالـي
بديار مربيـة البقـر مرتـع الصيـد**ماعندك اللي عـن أحوالـك يسالـي
عرب جوابك يا فتى الجود يا سعيـد**عن قولـة ثـاري سعيـد استزالـي
عميـت بالسبـه جميـع القواصيـد**ماقلـت بالشعـار طامـن وعـالـي
عميـت نمـر والمهـادي وأبـازيـد**عز الضعن حبـس الكميـن الهلالـي
ومشعان والطيـار وعقـاب وعبيـد**وعبدالله المصطـور فـرز العيالـي
والعسكري وهديب ومصيـخ ورشيـد**وحسيـن حمـاي الركـاب التوالـي
وجمل وابن حثليـن والفغـم وفهيـد**وعنتر ليـا ماعـادل الشيـل مالـي
ورميزان هو والعرفجي مع إبن زيـد**وساجـر مسـوي للذلـول النعالـي
وصعب اليا عدوا صطـام الأضاديـد**وسعود إبن سعـود راعـي العوالـي
وعرار وعمير هـل الكـود والكيـد**وبـريـك للخـيـل أو يـادوالــي
حتى الشريف اللي يقولـون ياسعيـد**وحاتم بعد معطيالعطايـاالجزالـي
وإبن دعيجا اللي كمـا بيتـه الحيـد**وإبن سميـر اللـي بقـرن الشمالـي
اللـي ركابـه حـادرات مسانـيـد**ابـن دعيجـا اللـي يفـك التوالـي
وحطاب اللي بالصحن ينفـض الغيـد**وبـراك محيـي الركـاب الهزالـي
ومغير وإبن غازي ونومـان ياسعيـد**وجـارد ماضـي للشخيـل العلالـي
وجدعان نحـار السمـان المصاعيـد**مودع مع الدعثـور مثـل الغزالـي
وتركـي زبـون مدلـلات المثابيـد**وفهـد زبـون مجنفـرات المفـالـي
والأشمل اللـي مـن منـاه التراديـد**ومطلـق مطبـق بالغديـر الزلالـي
ربعٍ بهـم ياسعيـد صـدرٍ وتوريـد**وفهـقٍ وتقليـط وفـتـل وفعـالـي
يا سعيد أنـا ثنـواي دون الاجاويـد**هـل الصحـاف ومتعبيـن الدلالـي
عشرين مع عشرين لا انقص ولا ازيد**وافين من غيـر القصيـد الافعالـي
حتى انت مابك عن ربوعك مقاعيـد**وانا بعـد مثلـك علـى قـد حالـي
حنـا عبـاة ولا ببـاطـه لواكـيـد**ولا زاد حنـا بالـدروب العـوالـي
صلاة ربي عد مـا هـل مـن عيـد**على شفيـع الخلـق عنـد السهالـي

[أبو مرحبا]

والنعم بالطنايا

لاهنت يامحب على النقل الموفق

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[عبدالرحمن الهيلوم]

مشكووووووووووووور يالغالي

[محب الهيلا]

المشاركة الأصلية كتبت بواسطة أبو مرحبا

والنعم بالطنايا

لاهنت يامحب على النقل الموفق

لاهنت بمرورك العطر

مشكور وماقصرت

[عبدالله الجـــذع]

مشكور على القصيده الرائعه بمعنى الكلمه..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محب الهيلا]

المشاركة الأصلية كتبت بواسطة عبدالرحمن الهيلوم

مشكووووووووووووور يالغالي

لاهنت على المرور وماقصرت

[محب الهيلا]

المشاركة الأصلية كتبت بواسطة عبدالله الجـــذع

مشكور على القصيده الرائعه بمعنى الكلمه..

لاهنت على المرور وماقصرت

[ابن عقاب الشمري]

صح لسان الشاعر / عدوان الهربيد من السويد

واشكرك على القصيدة

ياا محب الهيلا


وتقبل المرور

.................................................. ..................

[محب الهيلا]

المشاركة الأصلية كتبت بواسطة ابن عقاب الشمري

صح لسان الشاعر / عدوان الهربيد من السويد

واشكرك على القصيدة

ياا محب الهيلا


وتقبل المرور

.................................................. ..................

حياك الله

لاهنت على المرور العطر

مشكور وماقصرت