حبك تعدى حب الاكراد لأربيل &&& الاّ تعدى حب شمر لحايل

[عبدالرحمن الهيلوم]

السلام عليكم ورحمة الله وبركاته


لايومي بيوم ٍ ولا ليلي بليل::::::::::::ولا السّعد مقبل ولا الهم زايل
ماغير ازم هموم واحط واشيل:::::::::::ولاراح منها هم جاله بدايل
تدرون يالعربان وشهي البهاذيل:::::::::::فرقى وليف وحظ مامن صمايل
الوصل نعمه والمفارق غرابيل:::::::::::ياحظ ليتك تعتدل ماتمايل
لامن بغيت اعدّلك ترجع تميل::::::::::::كنّك تقول اعيش واموت مايل
والمهرة اللي ماتعيّن مع الخيل:::::::::::من دونها تقصر جميع الأصايل
من دونها ضاعت عقول الحلاحيل::::::::::::وتضاربت فيها سلوم القبايل
ياشيب عيني يوم قفّت وانا اخيل::::::::::::دموعها وبلٍ على الخد سايل
وانا اتصبّر وازهم العقل والحيل::::::::::::والقلب يشكي للضلوع النحايل
اصبر مثل صبر الرجال المشاكيل::::::::::::واخبّي جروح الزمن واتحايل
لن الردي والهيس وخبل الرجاجيل::::::::::::تفرح لا وراني الزمان الهوايل
وانا اترفع واترك القال والقيل:::::::::::::واجبر عزى قلبٍ على الموت آيل
أشب نار الشوق وارهي المعاميل::::::::::::واريّح اعصابي ببدع المثايل
ولاّ الغلا ماعاد يحتاج تفصيل::::::::::::::لنّه موريني نجوم القوايل
ياللي غيابك حط بالقلب تنكيل::::::::::::::ويلي على قربك ولاني بطايل
لاغاب صوتك ماتفيد المراسيل:::::::::::::وفر على الجوال كثر الرسايل
والله لو تاخذ لدمي تحاليل:::::::::::::::تلقاك بالجينات صايل وجايل
حبك تعدى حب الاكراد لأربيل:::::::::::::::الاّ تعدى حب شمر لحايل
صبيت حبك مثل صب الفناجيل::::::::::::::وين الجليله تشرب اشواق وايل
وانته تواعدني من اسهيل لسهيل:::::::::::::والشوق في قلبي مسوي عمايل
ليتك تبادلني الغلا والمواصيل:::::::::::::وترد لي بعض الوفا والجمايل
تعبت من قولة ظروف وعراقيل:::::::::::::وتعبت من قولة ياقل الوسايل
لاقلت انا احبك ومشتاق بالحيل::::::::::::::تقول لي جعل العوض فالموبايل
يعني انا وياك مثل المهابيل:::::::::::::::واشباهنا فالوقت هذا قلايل
كذاب من قال المحبه تساهيل:::::::::::::::راحو ضحيتها عيال الحمايل

مما قرأت وأعجبتني ,,,,,,,,,, ارجوأن تحوز على رضاكم

[عبدالله الجـــذع]

دامها منك اكيد بتصير جميله..

صح لسان القائل والناقل...

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عبدالرحمن الهيلوم]

مشكووووووووووورعلي المرور يالغالي

[محب الهيلا]

مشكور وماقصرت

[عبدالرحمن الهيلوم]

مشكوووووووووورين يالغالين علي المرور

[صقـر الهيـلا]

قصيــده ولا أروع

[عبدالرحمن الهيلوم]

مشكوووووورين يالغالين علي المرور

[ابن يام]

الهيلووم بارك الله فيك قصيده حقيقه رائعه

[عبدالرحمن الهيلوم]

مشكووووووووووورعلي المرور يالغالي