سلطة مره !!

[عقاب العنزي]

السلام عليكم ورحمة الله وبركاته

اسعد الله اوقاتكم بكل خير ,,

يا معديها علـى الحـق المبيـن = دون حقـي مـا افـرط بشعـره
ادحم الماقف على الجنب المتيـن = واجتمع لاشفت نـاس مبعثـره
متزن واسعى لجمـع الغانميـن = علّني آخذ مـن الجمـع ثمـره
ماعلّي دين ٍ ولا اداعـي بديـن = اغلـي الجزلـة وادوّرهـا دوّره
كل طيب فـي لزومـي مايبيـن = اقعـد ادور عـذر ليـن اعـذره
ومن كفاني شره وقولـه رزيـن = كّنـه مسـوي جميـل ٍ أذكـره
احذر العاقـل وادسـه للسنيـن = لكـن الجاهـل اكبـه واحقـره
وأفرح برجل ٍ معه علـم ٍ يقيـن = كاتم سـدوده وحافـظ مظهـره
واغلي الرجـال لا مـد اليديـن = للكرامه رغـم صكـات ادهـره
وأفخـر برجـال لحميـاه عيـن = كل مكسور ٍ من الربـع اجبـره
وأنقد الرجال ابو ملسـن سنيـن = كان كل وادي على الدرب احدره
وأهمل الرجـال لاشفتـه يليـن = بـارد ٍ وجهـه ولافيـه انعـره
واكره الرجـال لابيّـن حسيـن = مير سوس الحسد والحقد انخره
واحقر الرجـال لاشفتـه لعيـن = شابع ٍ من طيب رجـل ٍ وانكـره
ودم ضرسي .. من نخوه الطيبين = بطيب يقدر له وجـاوب مقـدره
التجارب علمتني ليـن .. ليـن = قمـت اميـز بإنـدلاع الثرثـرة
عّلم جنبني اصـد عنـه يميـن = وش علي من الورق والمحبـره
دام ما بالسالفـة عّلـم ٍ سميـن = ما أناقش فـي علـوم امكسـره
أجعل إذن ٍ طين وإذن ٍ من عجين = في حضور اصوت خبث امعمـره
السوالف بعضها مثـل الكميـن = تطرح الرجـال وتجيـب اخبـره
ردها عنـي وقـل درس ٍ ثميـن = لعنبو رجال مـن غيـر اثمـره
والله ان اتفه رجـل يامسلميـن = من يسلم لحيتـه سلطـة مـره

للشاعر \ بدر الحنيف العنزي

[أبو مرحبا]

السوالف بعضها مثـل الكميـن
_____________تطرح الرجـال وتجيـب اخبـره



قصيدة رائعة

صـــح الــســـان الشاعر بدر الحنيف العنزي


عقاب العنزي
بيض الله وجهك على النقل الرائع

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[عقاب العنزي]

ابو مرحبا

صح بدنك ووجهك ابيض

تقديري

...

[محب الهيلا]

صح لسان قايلها وناقلها

مشكور وماقصرت

[عبدالرحمن الهيلوم]

صح لسان قايلها وناقلها

مشكور وماقصرت

[عقاب العنزي]

محب الهيلا

ياهلا ومسهلا وشاكر لك حضورك

..

[ابن هضلا]

صح لشان الشاعر بدر العنزي

بيض الله وجهك أخوي على النقل

يعطيك العافيه ..ننتظر جديدك

[عبدالله الجـــذع]

صح لسان الشاعر ..

ماقصرت ع النقله الرائــعه..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا