بنت الشيوخ !!

[شبل المحاني]

ياسعود قلبي تله الود ياسعود=تل الدلو ياسعود من جمة البير
على وليف(ن)غاب عني ومفقود=اتل العهد بيني وبينه ورى النير
ابو جديل ٍ فوق الامتان مكدود=اللي لها ياسعود فالقلب تاثير
ونشدة عنه الناس ولاعنه منشود=وارسلة لي ياسعود يمه مداوير
راحو وقالو مالقيناه مووجود=يمكن تعرض صاحبك للمقادير
وقعدة اجر الصوت من غير مقصود=وقامت تلاوعني هموم وحواشير
اليا ذكرت الزين وعيونه السود=هلت على خدي دموعي شخاتير
الجادل اللي جسمها كنه العود=عود الثمام اللي عليه العصافير
وعنق ٍ تماريبه طويل ٍ وممدود=ورموشها صفة عساكر طوابير
وردوفها ماتقبل النقص والزود=والخشم سيف من السيوف البواتير
والخد برق ٍ لاح والخصر مشدود=ماشفة زيه في جميع الغنادير
مركوزة الانهاد والمشي بركود=لو ابا عبره عنه يملا التعابير
مطنوخة ٍ عاشت على العز والجود=بنت الشيوخ اللي تقود الطوابير
تطري عليه كل ماهبة النود=ولاهبة العليا ولا غرد الطير

آخر تعديل شبل المحاني يوم 05-Jan-2008 في 08:22 PM.

[معلا إبراهيم الأسعدي]

الله الله

صح اللسانك يامبدع


اشهد بالله انك ابدعت في ماقلت وهذا ليس غريب على الشعرا

المتمكنين امثالك وشرواك

تحياتي لك اخوك شامان الاسعدي

التوقيع

[السميــــــري]

شبل المحاني . .

صح لسانك ..

وقصيدة أجدت في معناها ومبناها

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[أبو نجر النفيعي]

..

شبل المحاني ..

صح لسانك مليون .. قصيده جزله ..


أخوك

التوقيع

.....

[مرزوق حمدان العتيبي]

..
.
بيض الله وجهك .... وصح لسانك
ياشبل المحاني ..
في انتظار رائعه اخرى ..
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[نايف بن ملحق الثعلي]

صح السانك يابو فيصل

قصيده جزله من شاعر جزل

تحياتي لك

التوقيع

ما هوب لازم توقيع00

[عبدالمجيد الثعلي]

تطري عليـه كـل ماهبـة النـود=ولاهبـة العليـا ولا غـرد الطيـر

بيّض الله وجهك يا أبو فيصـــل

على هالأبيات الجزله

لاهنت

[عبدالله بن دبيس العتيبي]

بسم الله الرحمن الرحيم


السلام عليكم ورحمة الله وبركاتة



صح السانك ياخوي شبل المحاني قصيدة جزلة وتذكرني بشعار عتيبه القديرين


وعنق ٍ تماريبه طويـل ٍ وممـدود###ورموشها صفة عساكر طوابير

بسالك ياخوي شبل المحاني وش رتبتك في العسكرية ههههههههههه
لان البيت ماقالة الا واحد متأثر بصفة العسكر



تقبل تحياتي وتقديري واحترامي

[سلمان الروقي]

وردوفها ماتقبل النقـص والـزود=والخشم سيف من السيوف البواتير

بيض الله وجهك يابو فيصل

على هالابيات الجزله

لاهنـت..

[محب الهيلا]

صح لسانك وماقصرت