تحذيررررررررر رسمي

[الشنباوي]

قصيده لشاعر محمد قبلان العتيبي

بصيح بأعلى صوت والدين تذكير=والصوت ينصى رايقين المزاجي
اللي علي الدخان مثل المساعيـر=دخانهم كنـه غبـار الحراجـي
يوم النشاما للمراجـل مداويـر=اللي مخاواهم لكبـدي علاجـي
ماني بلا عنتر ولا سالـم الزيـر=لاكن لي نظره واميـز خراجـي
تكفون ياروس العيال المناعيـر=لابعث ابو من قال فلة حجاجـي
مـاوردوه الا عيـال الخنازيـر=ولا يروي الضميان عدٍ هماجـي
ماعاد باقي يا النشامـا معاذيـر=الجهل ضلمه والحقيقه سراجـي
أن كان مال الرجل مبدا وتفكيـر=وراسٍ يصارع مذريات العجاجي
فلا خير في رجلٍ يجي فيه تقصير=وعن سكة الاسلام فيه نعواجـي
الموت بغته يالوجيـه المسافيـر=لاغرغرت نفس الفتي برتجاجـي
كم من سليمٍ صوبتـه المقاديـر=وكم من عليلٍ في فراشه يناجـي
لاكن بصيح وزبدة القول تذكيـر=والصوت ينصي رايقين المزاجي

[نقا شباب]

صح لسانك يا شنباوي

والله يعافي المدخنيين

[الشنباوي]

صح بدنك اخوي نقا والقصيده لشاعر محمد قبلان

واللهم امين

[ابن البجاديه]

صح لسان الشاعر محمد بن قبلان
وتسلم يدك يالشنباوي
قصيده اكثر من رائعه والهدف منها سامي
دام جديدك

[محمد العتيبي]

اللهم اعصم قلب كل مسلم
عن المنكرات والمهلكات..

صح لسان بن قبلان العتيبي..
وشكرا لك على الطرح الموفق.

التوقيع

للتواصل عبر twitter تويتر al_bargawy@

[شبيب شافي الملعبي]

صح السانك على النقل

وسبق وأن كتب الشاعر بندر بن سرور على هذا الوزن والقافية


اللي يقول :

ياللة ثبتني على القاع لاطير ... لين أضبط البراد وآكل علاجي