قـصـيدة في الشيخ / بندر بن نايف بن حميد

[سعد بن مطلق المقاطي]

السلام عليكم ورحمة الله وبركاته
أليكم القصيدة كاملة
نأمل أن تحوز على رضاكم

يالله ياللي تحيي الأرض بالسيل=ياعالمٍ بالبينه والخفيه
ياخلقً جيلً ويامغيبً جيل=ياللي تدير الكون في كل هيه
ياللي حميت البيت من راعي الفيل=أرفق بحال اهل نفوسً الرضيه
انا ليا مني نصيت الريجيل= والله مانصى اللي عموقه رديه
الناشي الواشي قليل المحاصيل=مايملك الى الغطرسه والزريه
قلبه على اقرانه مثل ظلمة الليل=في غفلة الاصحاب دابآ وحيه
يخاف من ظل العصاء مثل ماقيل=فرقاه عيد وشوفه اكبر خطيه
انصى اهل طالات ركابت الخيل=اهل الظفر فى السلم والجاهليه
سلام يانسل الرجال الحلاحيل=اهل الكرم والطيب واهل الحميه
سلام ياحرآ طلع مطلع سهيل=غصبآ على الحساد واهل الاذيه
حرآ على وكره بعيد المناويل=بندر بن نايف زبون الونيه
ابو محمد طيب الذكر بالحيل=شيخ الشيوخ اللي يشرف مجيه
اللي جمع شمل القبيله عن الميل=ودعم مزاين مقتنين المطيه
لطامة العايل وذباحة الحيل=تاريخهم مشهور والنار حيه
عتيبه الهيلا رجالا مشاكيل=اهل الفعول الوافيه والنقيه
وذوي حمد سيوفنا اللي مصاقيل=ياما ثنو من دون نجد العذيه
جلابت الارواح وشرب الفناجيل=كم واحدآ منهم يذوق المنيه
قولً عليه أثبات مهوب تضليل=حمايت الساقه نهار الغزيه
كل القبايل حقها وافي الكيل=لي نيةً وضحى ولناس نيه
وصلاة ربي عد وبلاً هماليلً=على رفيع الخلق محمد نبيه

[خلف العتيبي]

سعد المقاطي..

لاهنت على القصيده الجميله..

بارك الله فيك يا ابن العم..


خلف الدعجاني..

[عايض بن زوير]

صح لسانك..ياسعد

مليوووووووون

ولا

يسدووووووون

جزله من جزل ويم جزل..تحياتي

؛؛؛؛؛

؛؛؛؛

؛؛؛

؛؛
؛

[سعد بن مطلق المقاطي]

خلف الدعجاني
بيض الله وجهك يابن مفلح وسباقين في العلوم الغانمه
والله يوفق الجميع

التوقيع

ديــــــــــــــــواني

[ابو راكان]

[سعد بن مطلق المقاطي]

مقاطي الججاز
صح بدنك
مشكور على المشاعر الطيبه التي ليس غريبه منك ياولد العم
لك تحيتي

[سعد بن مطلق المقاطي]

ابو ركان
صح بدنك
والله يوفق الجميع

[بن حثلين]

صح لسانك يالشاعر

ونعم في ابن حميد يستااااهل الأمير نسل الأمراء

ونعم في عتيبة كااااااافة

[سعد بن مطلق المقاطي]

بن حثلين
صح لسانك ياطيب الذكر
مرورك شرف ياعزيزي
لك تحيتي

[شاعر برقا]

مشكوووووور والله يعطيف الف عافيه