قصيدة قالها شاعرها بعد أن رأى تدني مستوى لجنة تحكيم قصيدة التحدي بالسعودية مقارنة بلجان البرنامج في دول الخليج الاخرى .
حيث كان القائمين على البرنامج يروجون إلى أن أعضاء لجنة التحكيم هم الشاعر الكبير / نايف صقر
والشاعر الكبير / فهد عافت ولكن عند حضور المشاركين لمقر اللجنه تفاجأوا بوجود أشخاص لم يكن لهم ذلك التواجد على الساحة الشعبية ، بل أن بعض المشاركين في البرنامج أفضل مستوى ومعروف إعلامياً أكثر من أعضاء لجنة التحكيم
.
ياقايد الحربي وياعارف سرور= الذمه من اليوم منكم بريه
والله ماأبريكم من الهرج بالزور = والكل منكم كلمته مع خويه
لا شاعرٍ بين المخاليق مشهور =ولاناقدٍ معروف بين البريه
والمسأله ماهيب طالب وطبشور=ولاهيب فرض آراء وألا حميه
المسألة عدل وترا العدل دستور=والطيّبه مالك ومال الرديه
ياليتكم شفتوا قبل عدة شهور =(إبن السعيد) وحكمته فالقضيه
من فالك التوفيق حط إله جمهور=وأنا من اللي صفقوا له تحيه
فيكم لقيت الواسطة دورها دور=حتى على التسجيل فالمسرحيه
لا صار مالي وسطكم شخص مخبور= قدام أجي يفرش من الورد ليّه
حطيتوا من الحبه قباب وقصور=ورجيتوا الما والقصيدة ضحيه
وأنا قصيدي تقصر شبور وشبور=دونه ولاتقدر تجيك بحليه
وأنا قصيدي روز دانه وبلّور=في مجلس الشعار اله قابليه
وأنا قصيدي كتلة إحساس وشعور=حتى أضعف أبياته لها جاذبيه
وأنا قصيدي نشوة النصر والنور=وأنا قصيدي فزعة الجاهليه
وأنا قصيدي نظرة الحور بالحور =وأنا قصيدي ريحة الشاذليه
وأنا قصيدي للمواقيف مذخور=فاللين لين وفالقسا سم حيه
قصيدي أقفا منه أبوزيد مسرور=ومهور عليا منه والعامريه
ولاني بحاجة مدحكم ياهل السور=النذل عن حسناته تسد سيّه
بروح للي فعلهم فعل مخبور =أهل الوفا والفكرة الأوليه
لجنتهم مولف وناقد ودكتور=ناسٍ يعرفون القدا والخطيه
يدعمهم اللي فالمواقيف مذكور=نسل الرجال مزبنين الجنيه
أفعالهم تاريخها سطور وسطور=وأمجادهم من يوم بقعا صبيه
الشاعر / شباب فيحان
منقووووووووووووول
02-Sep-2007, 10:39 PM
قصيدة التحدي
العرض العادي
