مرثية الشاعر\بندردليم صقر الغبيوي في والدته رحمها الله واسكنها فسيح جناته

[عبدالاله الغبيوي]

هذه مرثية لشاعر : بـنــدر دلـيـم الغبيوي العتيبي لوالدته نسأل الله لها

الرحمة وان يسكنها فسيح جناته

ياطول فرقاك عقب اليوم يايمه=وياطول حزني على فرقاك واخلاجي
ماعاد للقلب هم يلتفت يمه= ولاعاد لي بالفرح مدخل ومخراجي
ماعاد لي غير طيف ماقدر اضمه=ياكل ويشرب معي ويزيد في ازعاجي
ياراحتي من يوم رحتي زادت الظلمه=ياأكسجيني ونور العين واعلاجي
القلب من يوم غبتي زايد سقمه=والعين تبكي بتال الليل وتناجي
واللي بقى بالضمير وزاد في همه=رحتي وورعي على جرتك ماداجي
عزيت نفسي ولا خليت لو كلمه=اضحك واسولف وانامطفيا سراجي
هذا الغلا اللي يفج القلب ويلمه=من يوم تولد وهووسط الحشا لاجي