صوت .. وصدى .. فيصل القثامي .. مقعد الدغيلبي

[فيصل القثامي]

فيصل يقوول

ياكثر ماجـا للملـوح مـن خبـال=كلـه علشانـه يـحـب البنــيـة
وانته بقلبـي حبـك اليـوم لازال= لو جاء من اجنابك ثمانيـن سيـه
اشوف غيرك يابنية هـذا محـال=اقولهـا والله شهـيـدن علـيـه
ولو حاولو لو حاولو كل الاحـوال=ولو لفت الدنيا بصبـح وعشيـة
اموت في حبك كثر مـاذن ابـلال=وصلوات ربي فوق خيـر البريـة
وان كانها راحت على رمح وصقال=عندي ولد عمـي يحـل القضيـة
طوعت قيفاني وابا الـرد فالحـال=طوعتهـا والـزم خطـام المطيـة
اموت فالطخما وابا اضرب لك مثال=مثل العتيبي يـوم حـب الحويـة
خابرك يامقعد على الخيـل خيـال=وابغـا حلولـك يازبـون الونيـة

(ردي مقعد الدغيلبي )

عبر جهاز النت وأبراج الارسال=جتني رساله والمعاني نقيه
رسالةٍ من طيّب الجد والخال=الخط واضح والحروف ابجديه
مصيونةٍ من ساقط القيل والقال=فيها مكاسر عود والنار حيه
وأبطيت أروضها تراويض مشوال=شقراً أصيله ماتجي بالمنيه
وأدرجتلي من نادر الكيف فنجال=وأستدرج المعنى على الشاذليه
فيصل شكالي من هواء سمح الأقبال=ماكنه الا قيس والعامريه
غيداً غلاها له مخارج ومدخال=بسبابها نفسه وروحه رديه
عايش على احبال الأماني والامال=متى العطى يجذب قراح العطيه
واليوم مالي عنه صده ومحوال=ماللخوي ياكود فزعة خويه
ابشر بعزك جاك للحمل شيال=والراس يقدح بالسطر والحميه
وانكانها بالمال تبشر بالاموال=وانكانها بالجاه جتك أضحويه
وانكانها بالحرب حنا لنا فعال=والحظ عالي والعزايم قويه
وبل المشوّك وأشرم الخشم شعال=وبل البرد من مزنةٍ عقربيه
ربعك لهم في صفحة المجد منزال=شجعان مافيهم ضعيفٍ وعيه
وانكان أله في نجد منزل ومدهال=سلي حدورٍ يم نجد العذيه

[/QUOTE]

وسلااااامتكم

التوقيع

[سلطان الجـذع]

وأبطيت أروضها تراويض مشـوال
شقـراً أصيلـه ماتجـي بالمنيـه
وأدرجتلي من نادر الكيـف فنجـال
وأستدرج المعنى علـى الشاذليـه



هالله الله


صح لسانك يافيصل وصح لسان
شاعرنا الكبير /مقعد الدغيلبي

على هــ الكلام الثمين

[مرزوق حمدان العتيبي]

رسالةٍ مـن طيّـب الجـد والخـال
الخط واضـح والحـروف ابجديـه
مصيونةٍ من ساقط القيـل والقـال
فيها مكاسـر عـود والنـار حيـه
...
صح لسانك على عالبوح يافيصل
... وصح لسان الجزل ابو فيصل ...
...
مودتي
....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[السميــــــري]

صح لسانك يافيصل ..
قصيدة رائعة .. ورد رائع ..

جزالة لاتستغرب ..

وصح لسان شاعرنا مقعد ..
لاهنتم ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[عبدالله الثبيتي]

صح لسانك .. عزالله إنك شاعر وقصيدتك جزلة


وانته بقلبـي حبـك اليـوم لازال
لو جاء من اجنابك ثمانيـن سيـه

سيـة تقصدبها زلّـة ؟

وصح لسانك

[عمرالروقي]

صح لسانك
يافيصل
ولاهنت
0000
وصح لسان شاعرنا الكبير
مقعد الدغيلبي 000000

[فيصل القثامي]

الأسطورة : سلطان الجذع ..
يامرحبا يامرحبا يامرحبا .. يبوعبدالله
صح قلبك .. يابن العم ..
وتواجدك فخر ..

لاهنت ..

[فيصل القثامي]

المبدع : مرزوق .. ياامرحبا ويامسهلا يبومنذر ..
حياك الله .. يبومنذر .. لاعدمتك يبن العم ..
صح بدنك .. ..
باقة من ورود الطائف .. اخوك

..
.

[فيصل القثامي]

السميري .. ياخي انت بس وجودك يكفي ..
الرووعة مرورك .. يالغالي ..
صح قلبك ولاهنت .. ياحزامي ..
..
.

[فيصل القثامي]

أررررحب .. ياعبدالله .. زادني شرفا
ان تكون .. اول مشاركاتك .. في منتدى العز والشموخ ..
في متصفحي .. المتواضع ..
صح قلبك وكلك .. والسيه .. هي الزلة نعم ..
..
.