قصيدة الشاعر مطلق بن حنيتم المطيري في قبيلة حرب ..

[راع العرف]

هذه قصيده للشاعر مطلق بن حنيتم المطيري في
قبيلة حرب اضعها هنا واتمنى ان تنال اعجابكم ..

مـبـداي بـاسـم الله رب الثقلـيـن=المعطـي الـرازق عزيـز الجلالـي
شاعر وظيف وفي ضيافـة كريمـن=وراي مـا أغنـي علـى ماطرالـي
مانـي مغنيهـا علـى ليـل ياعيـن=لكن ابـا امـدح مكرميـن السبالـي
( حرب ) الرجال مرجحين الموازيـن=الـيـوم والا بالسنـيـن الخـوالـي
سـلام يـاروس الرجـال المسميـن=شيـوخ حـرب معطريـن السلالـي
تعرف مواقفهم على العسـر والليـن=افعالـهـم تاريخـهـا لا يـزالــي
يـوم السنيـن الماضيـة والأكاويـن=دقلات خيل ( اخوان حسنـا ) متالـي
حطوا لهـم فـوق الجزيـره مياديـن=بالسيف الأملح واحمـر الـدم سالـي
تاريخهـم مشهـود محكـي وتدويـن=يثنالهـم بالنعـم فـي كـل حـالـي
(واخوان نـوره) ملحقيـن المخليـن=فهـود الـزراج مزبنـة كـل جالـي
شوخ(ن) على طرح العقيد متواصيـن=لا ثـار عـج معالكـات الحبـالـي
كم طامعاً ردولـه الصـاع صاعيـن=وكم ذود مصلاحـاً غدوبـه غوالـي
(وآل النحيـت) منزحيـن المعاديـن=تعـرف مواقفهـم جنـوب وشمالـي
علم(ن)عليه شهـود ماهـو بتخميـن=دواسـة الهيجـا نـهـار القتـالـي
(وابن ربيـق) اللـي يبـذ المناحيـن=في ساعة(ن)جا للرصـاص اشتعالـي
ليـا تعلـوا فـوق مثـل الشياهـيـن=كم عاصياً ساقـوه سـوق الجمالـي
وليا ذكـرت الغانميـن (المضاييـن)=حمايـة الـذود الهـمـل فالمفـالـي
اقـف لهـم تقديـر حشمـة وتثميـن=وارفـع لهـم بيـن النشامـا عقالـي
وكم غيرهم من حرب شوخ(ن) ميامين=وفريـس قوم(ن)ذكرهـم فالعـلالـي
بافعالهم عـن مـدح مثلـي غنييـن=مثـل الجمـال الـي تشيـل الثقالـي
لكن انا ابا اذكر مـن الفعـل ثنتيـن=من واقع(ن) مشهـود ماهـو خيالـي
منها مقام (نويشي) اللي قضـا الديـن=يـوم ابتداهـا مـن بـزوغ الهلالـي
ثار الخوي ماقـال خلـه للأقصيـن=الا بعـد فعـلاً يهـيـل الرجـالـي
عقب اربعه وثنين يبـرا مـن الشيـن=يقولهـا الأول .. وانـا جيـت تالـي
والثانيـة منهـن عليـهـا براهـيـن=سبق بها الفـارس (دخيـل البلالـي)
من دون جاره ساق روحه على البيـن=قلـط رقبتـه للخطـر مـا يبـالـي
يوم ان جود النـاس مـال وبعاريـن=هـذا بنفـسـه جــاد ياهمـلالـي
انـا اشهـد انـه يستحـق النياشيـن=ترفع له البيضـا علـى كـل عالـي
ذولي لكـم ياحـرب فارقابنـا ديـن=بعيوننا اكبـر مـن خشـوم الجبالـي
ولاينتسـدد راعـي الديـن بعـديـن=الأولـه مــا تنـجـزي بالتـوالـي
لكـن مـن بـاب الثنـأ يالعزيزيـن=حبيت اشـارك يـوم جالـي مجالـي
نيابة(ن) عن فزعـة الحـق والدين=(امطيـر حمـران النواظـر) ظلالـي

الشاعر / مطلق بن حنيتم المطيري

تحياتي
راع العرف