سلطان الجذع اقرب جاي

[نايف بن ملحق الثعلي]

يامرحبا ترحيبة تشرح البال=بسم الرجال مغيرين الهقاوي
تعال يا سلطان والوقت ميال=والله يكافينا جميع الــــبلاوي

[مرزوق حمدان العتيبي]

تعال يا سلطان والوقت ميال
والله يكافينا جميع البـلاوي


...
ارحب يانايف ...
. صح لسانك وننتظر سلطان ...
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[نايف بن ملحق الثعلي]

اسعدنا وجودك وصح بدنك

[سلطان الجـذع]

يدوم البقاء ياطيب العرف والفال =وميرادك العد القراح الرهاوي
وبنت الهوى جابت لها 10 عيال =وفيهم عساها ماتخيب الرجاوي

[نايف بن ملحق الثعلي]

ترى العلوم اجداد واعراض واطوال=ياصاحبي سلطان ويش انت ناوي
ترى الشرا والبيع من روس الاموال=عساك تمشي فالدروب امتساوي

[سلطان الجـذع]

مقبل عليك خيال وخيال وخيال =ابشر بعزك يالشعيب السناوي
ماضاع لي بين الرياجيل مثقال = وانته حلالك ضاع بين الشوواي

[نايف بن ملحق الثعلي]

يا صاحبي لا تلوي احبال بحبال=وانته وصلك العلم والذيب عاوي
ماضاع لي يالطيب ادقاق واجلال=مار انت يا سلطان بالحيل غاوي

[سلطان الجـذع]

مأانته بشيخ يحكم القول لاقال =غلطان من لبسك بشت حساوي
تذكر اللي صار من عده ليال =اللي جبرنا نعتزي بالعزواي

آخر تعديل سلطان الجـذع يوم 19-May-2007 في 05:58 PM.

[مرزوق حمدان العتيبي]

...
.
ياسلام ياسلام
...
كلكم نخبه وربي وربكم الله
... قدام ياعتابه ....
..

[نايف بن ملحق الثعلي]

ترى المعاني نارها تشعل اشعال=لكن واصلك الطبيب المداوي
ما صار غير الخير مير انت محتال=ياللي تحسبنك بخيت العطاوي