قصيدة في (النجر) للمرحوم سعد بن عماش خرصان الحافي

[ابن خرصان]

( بسم الله الرحمن الرحيم )

* هذه القصيدة للشاعر/ سعد بن عماش بن خرصان العتيبي رحمه الله
عندما انكسر نجره من كثرة استخـدامه أسندها على ابنه(( فواد))

يــــا نـــجــــر يـــا اللــي للـنشاما تنادي= يـفـرح بــه الـلـي مـنـتـون بيت راعيه
مـــدهــال سـمـحــيــن الوجــيه البـوادي=شـفي لـيـا جـاء طـيـب الربـــع ناصيه
و أفــرح لـيــا صـكـوا عـلـيـه الـعـوادي=والــرزق عند مـسـيـر الرزق يعــطيه
و الخـيــر عـنـد مـسـيـر الـرزق بـــادي=رزق الـفـتى لو كرهـوا الـنـاس يـاتـيه
الــيــــوم بـــاد الـنـجـــر يـا فــواد بـادي=بـعــد غــدا قـســمـيـن ما حـدن مسويه
و لا بـــيِِـٍــده يـــا كـــود فعل الأيــــادي=فـــي حـشـمــة الــلافي ليا جاء نقهويه
الـبـخــل لا يـلــوي عـلـيــك الـقـيــــادي=خــلــــه لـمــثـبــور يــربــي مـواشــيه
رحــب بــضـيـفــك يــا مـضـنـة فـوادي=و الـضيـف خـله لـك حـبـيـب وتغـلـيه
و مــن عــاش مـات وموعـده للـنـفـادي=لـو يــجــمع الـدنـيــا حـصـيـله مخـلِّيه
و لا دايـــــم يــا كـــــود رب الـعــبـادي=الــلـي تـخــافــه كــل نـفــس وتـرجـيه

[ابن نميان]

الله الله يابن حرصاان


سلمت ولاهنت على القصيده


وصح لسان ابن عماش الله يرحمه

دمت بود وعافيه

التوقيع

’,’ ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’, [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

[ص ق ر 511]

البخــل لا يلــوي عليــك القيـــادي ****** خلـــه لمــثبــور يــربي مــواشـيه

[ابن خرصان]

صحت ابدانكم شاكرا تواصلكم واهتمامكم

[مشل]

صح اللسانك وعندي سؤال عيال سعد بن خرصان
من بقى منهم وين نازلين هالحين وانت الله لايهينك
وشو منك سعد الله يرحمه ,, اخوك (مشـــل)

[ابن خرصان]

صح بدنك وذوي سعد انا احد أبناؤه وهم 3 في ينبع و3 في المدينه و1 في القصيم ارجو ان ترد يالعانيه من اي فخذ انت ومقر عملك واقامتك وشكرا على السؤال والتواصل