جـميع القبائل التي تحد قـبـيلة حرب .. في قـصـيدة الـشاعر : غـويـزي الـجـابري الحربي

[راع العرف]

السلام عليكم ورحمة الله وبركاته ..
جميع الاعضاء مسيتم بالخير ...... اقدم لكم ..
قصيده للشاعر/ غويزي نماي الجابري الحربي ...
قالها يذكر جميع القبائل التي تحد قبيلة حرب ......

بديـت بسـم الله علـى كـل حالـي = الواحـد المعبـود منشـي الخيـالـي
اللـي خلـق للكـون جـل الجلالـي = سبحانـه الالـه فـي سـر وعـلان
الاولـه يالـلـي تنشد نعلـمـك = عن ملك حرب اللـي نعرفـه نكلمـك
ودور الليالـي بالحقـايـق تعلـمـك = حدودهـم وديارهـم شانهـا شــان
الثانيـه حنـا حــروب انتـشـرف = تاريخنـا بيـن القبـايـل مـشـرف
أهـل ثلاثـه معجـزاتـاً اتـشـرف = أثبت لنـا التاريـخ علمـا وبرهـان
ربعي قبايل حرب هـم تـاج راسـي = مثـل الجبـال النايفـات الـرواسـي
فطهر بقـاع الارض بنيـيٍ وساسـي = ولاينبني بيـتٍ علـى غيـر سيسـان
وحدودنـا مـن جـده وينبـع يميـن = وجهينـه اللـي يكملـون القوانـيـن
وأولاد وايـل يقسـي الوقـت ويليـن = ولا يرتفع راسـاً بـلا عـز ومتـان
وأولاد عبـس مفرقيـن الولالـيـف = يامـن بهـم فديارهـم كـل خايـف
والطيـب للـي يرقـب بكـل نايـف = من خلقت الدنيا علـى دور الازمـان
وبنـي تميـم اتحدنـا مـن شمالـي = تعـرف مواقفهـم ولانـي مبـالـي
يشهـد لهـم تاريخهـم والرجـالـي = وهرجن بليا صـدق راعيـه غلطـان
ونحـدد بشمـر مسـافـه طويـلـه = مـن الشمـال ونعـم هـاك القبيلـه
وكـلاً علـى حـده سيوفـه صقيلـه = ماضي وحاضرشمر وحـرب جيـران
ومن الجنـوب تحـد حـرب بربيعـه = وخميس حرب أليـا الجبـال الرفيعـه
وبنـي شهـر وكـل علـم بوديعـه = نعـم الرجـال وكـل هـرجٍ بضمـان
وقبايـل الاشـراف ماهـي خفـيـه = ذوي حـسـن قبيـلـةٍ هاشـمـيـه
جيراننـا فـي الـديـن والجاهلـيـه = يستاهلـون المـدح ذربيـن الايمـان
غرب وجنـوب البحـر حنـا نحـده = مـن ينبـع وجيـزان جـزره ومـده
ويـلاذ بحمانـا ليـا جـات شــده = واهل الوفاء والطيب في كل الاوطـان
ونحـدد بغامـد وزهـران وهـذيـل = وقريش وابن القرن وللعلـم تفصيـل
حسب الروايـه مـن كتابيـن للجيـل = وهذا حسب ماقيـل ماضـي وذلـوان
تحدنـا عتيبـه رجــال الشجـاعـه = أهل طـوال الخيـل ماهـم زعاعـه
خسران مـن منهـم يبيلـه طماعـه = من المصيف حدودهـم حـد قحطـان
شمال شـرق سليـم قومـاً شهيـره = من يجهل السلمـان وصحـاب ديـره
قـومٍ لهـم وقفـه وهيبـه وجيـره = يستاهلون المـدح فـي كـل ميـدان
جنوب شرق مطيـر حمـر النواظـر= قبيلـةٍ تعـرف بماضـي وحـاضـر
تاريـخ عـد فعولهـم فالمحـاضـر = نعم الرجـال ونعـم لاقيـل مطـران
وتاقف حدود مطيـر حـول الرفايـع = وتبـدأ عتيبـه كاسبيـن الطمـايـع
افديرتـن مابيـن شــاري وبـايـع = وكـلٍ يقـول الـدار لفـلان وفـلان
وتبدأ قبيلـة حـرب فيميـن ويسـار = وفيه اختلاط شـوي يعكـس للانظـار
والله يبعـد كـل ناويـن الاشــرار = عن دار من وحد على الخمس الاركان
وليـا تعديـت القصـيـم بمسـافـه = تبدأ مطيـر وحـرب ماشـي خلافـه
وكلٍ على سبحـه ولا ش ا نحرافـه = تحدهم شمر علـى الديـن واخـوان
المعـذره مـنـي لـكـل القبـايـل = أهل الوفاء والطيـب واهـل الجمايـل
تاريخهـم يشهـد لـهـم بالفعـايـل = والوقت والتاريـخ ريـض وعجـلان
وانا احمـد اللـي عزنـا فـي وطنـا = رفـرف علـم فيديـن حكـام مـنـا
تحكـم بشـرع الله وفيـهـم ومـنـا =آل السعـود مرجحـة كـل مـيـزان
لهـم الـولاء قيـادنـا فالمسـيـره = نفخـر بهـم حكامـنـا بالجـزيـره
خـدام بيـت الله علـى خيـر سيـره = ريف اليتامى مـدو بكـف الاحسـان
يوم الجهل خيـم علـى النـاس دوره = توحيدهـم للملكـه عـن خـطـوره
والا الجهل عن علـم ساطـع بنـوره = تشكر ياعبدالله علـى قـدر الامكـان
ياسمعيـن القـول يـاهـل العـدالـه = صلوا علـى محمـد وديـع الرسالـه
اعـداد ماهـل المطـر مـن خيالـه = من الله شـرع للديـن سنـه وقـرآن

الشاعر/ غويزي نماي الجابري الحربي

تحياتي
راع العرف

آخر تعديل راع العرف يوم 10-Apr-2007 في 01:46 AM.

[ابن مشيب]

وعليكم السلام ورحمة الله وبركاته

انعم واكرم بحرابة الدول , ثبتت ولم تهتز رغم كثرة منافسيها من القبائل , وصح السان الشاعر غويزي الجابري الحربي.

وعلى طاري هذا البيت:

غــرب وجـنـوب البـحـر حـنـا نـحـده=مــن ينـبـع وجـيـزان جــزره ومـــده

احد زملائي في العمل حربي من جيزان , وكانوا الزملاء عندما تعرفوا عليه , انهُ حربي من اهل جيزان , صابتهم الدهشة والغرابة , رغم ان بعضهم ابناء قبائل , ولكن يشهد الله انهُ نعم الرجل.



لاهنت ياراع العرف

[فيصل المسعودي]

ونعم والله في حرب


عوانينا وغالين علينا


صح لسان الشاعر


ومشكور ياراع العرف


تقديري لك وللجميع


أخوكم


فيصل النفيعي

[أبو مرحبا]

صــــــــح الــســان الشاعر/ غويزي نماي الجابري الحربي

لاهنت ياراعي العرف

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[راع العرف]

المشاركة الأصلية كتبت بواسطة ابن مشيب

وعليكم السلام ورحمة الله وبركاته

انعم واكرم بحرابة الدول , ثبتت ولم تهتز رغم كثرة منافسيها من القبائل , وصح السان الشاعر غويزي الجابري الحربي.

وعلى طاري هذا البيت:

غــرب وجـنـوب البـحـر حـنـا نـحـده=مــن ينـبـع وجـيـزان جــزره ومـــده

احد زملائي في العمل حربي من جيزان , وكانوا الزملاء عندما تعرفوا عليه , انهُ حربي من اهل جيزان , صابتهم الدهشة والغرابة , رغم ان بعضهم ابناء قبائل , ولكن يشهد الله انهُ نعم الرجل.



لاهنت ياراع العرف

ابن مشيب .. يالله حيه بمحله ومحل ربعه ذباحة الحايل لطامة العايل
ماعليك زود ونعم بحالك طال عمرك يالقرم يشهد الله اني احبك في
الله وترحيبك تاج على راسي تتوجني فيه مهما حصل ........
بالنسبه للبيت وزميلك .. نعم هناك من قبيلة حرب الكثير في جيزان
ولكن هناك حرب اخرى وهي غير قبيلة حرب التي في الحجاز ونجد
انا زميلك لا اعلم هل هو من قبيلتي قبيلة حرب ام من الاخرى التي
لاتتعدي منطقة جيزان بينما قبيلة حرب في الحجاز ونجد ليس لهم
صله بحرب جيزان الا من كان منهم على صله بحرب نجد والحجاز
وهناك بحث رائع يتضمن شيوخ حرب واماراتها من جيزان الى نجد
مرورا ً بجميع ديار حرب من الحجاز الى نجد وان اردته سوف انزله
بموضوع مستقل لكن مايمنعني هو سياسة منتداكم لانه خاص بعتيبه
وليس من اللائق ان انشر موضوع كهذا البحث الذي انا بصدده يخص
امارااات حرب وشيوخها فيه وهو يعتبر خاص بعتيبه ولكن ان اردت
فاابحث في محرك البحث قوقل بكتابة هذا (( ديار قبيلة حرب وشيوخها من
جازان إلى الخفجي )) وسيظهر لك ماتبحث عنه من فخوذ لحرب التي
تتبع قبيلة حرب نجد والحجاز التي لاصله لها بحرب القليله الموجوده
بجيزان وتعتبر اسم على اسم مثل مايقولون وتشابه اسماء لااكثر علما ً
انه هناك من قبيلة حرب نجد والحجاز في جيزان ولكنهم قله قليله واكثرهم
يتبعون قبائل زبيد من حرب ....
هذا ماحبيت اوضحه لك ودمت بخير ايها العزيز على قلبي ابن مشيب ..
تحياتي
راع العرف

[ابن خرصان]

ونعم بحرب وبجميع القبائل واهدي للاخ غويزي الحربي قصيدة الشاعر /سعد بن عماش بن خرصان الحافي العتيبي في (حرب ) المنشوره في الهيلا (شعرلء عتيبة ) وكذلك رد الشاعر عليان بن مطلق المحمدي الحربي عليه وشكرا للجميع وللقائمين على الموقع #

[راع العرف]

اخوي الكريم العزيز الغالي فيصل المسعودي النفيعي
ماعليك زود ونعم بحالك وعتابه الهيلا ربعك كلهم
ونعم رجال وانت على جدودك النفعه القروم .....
اليا حليت في موضوع لي والله اني اتشرف بك ويتبارك
الموضوع بحضورك يالنشمي ........
تحياتي
راع العرف

[فهد النفيعي]

لاهنت على الموضوع يا الذيب ونعم والف نعم با الحروب
وصح لسان الشاعر

[إبن شهيل]

صح لسانك راع العرف وصح لسان الشاعر غويزي ,,,
والنعم فيك وفي قبيلتك والاجمل في هذه القصيدة ان الشاعر لم ينسى حقوق الجار

[ابن مشيب]

احبك الله الذي احببتني فيه , ووصلت المعلومة لاهنت


تحياتي