بيان من رجــم النــــايـــف والمــطــران

[رجـم النـايـف المطيري]

السلام عليكم ورحمة الله وبركاته

اخواني في منتدى الهيلا

تحيه طيبه وبعد000

انا شايف المتتدى له اسبوع او اكثر في حالة هدوء وسكون اشبه فالبيوت المهجوره اللي مخلينها اهلها

طرى علي بيت كد قلته فالمنتدى قبل كم يوم

طول السنين وهجرها يخلف معاليم البيوت=والديره اللي عشت فيها مانسيت ترابها
ياهاجرين بيوتكم عش عش عليها العنكبوت=حتى الهبوب اللي تهب اسمع صفير ابوابها

والسبب على ماأعتقد شاعر المليون{اللي بياخذه تركي الميزاني|165| }

{مزحه برزحه}

عموما

ماطول عليكم هذا البيان اللي صادر من اخوانكم شعار المطران او بمعنا اصح : الاعضاء المنتدبين من المطران لدى قبيلة

عتيبه 00

طرت علي فكره متواضعه وارجو انها تحوز على رضاكم وتنال اعجابكم



_الفكره _



بما ان المنتدى في حالة هدوء


ليش مانحركه بمسابقه شعريه جميله تختص بالمحاوره وفن القلطه من ناحية النقض والفتل والابداع

بحيث يتواجدون الشعار في قسم المحاوره ونضع لجنه للتحكيم والنقد البناء للعب والاشاده بالشاعر المتفوق

ووضع جدول وبرنامج يتقيد فيه الشعار المتسابقون في هذه المسابقه ويكون اللعب يوميا في هذا القسم اللي عساه للسيل

اللي مايخطيه

ومنها نحرك منتدانا العزيز ونحييه عسالله يحييكم 00

حتى الزوار اللي يزورونا يستمتعون في اللعب ونظهر بصوره مشرفه / وحنا انشالله صورتنا مشرفه من قبل /

وانا والله يالربع بخاطري شي ومشغلني من بداية برنامج شاعر المليون - الا وهو السوالف اللتي دارت بين القبيلتين

العزيزتين مطير وعتيبه بسبب هذا البرنامج عسالله مايعيده

والمسابقه هذي يعني فيها نوع من تلطيف الجو وتهدئة الامور بين القبيلتين


والبادره هذي منّا يااصحابكم المطران الممثله من :

النادر

الصبر جميل

ومحدثكم/ رجــــــم النـــــايــــف

هؤلاء الشعار المتواجدين بشكل يومي تقريبا : والعذر والسموحه اذا انا نسيت شاعر مطيري

وارجو من الاخوان يشاركونا بأرائهم واقتراحاتهم على شان تكتمل المسابقه وتاخذ نصيبها من النجاح

انتظر مشاركاتكم وتعليقكم على هذا الموضوع


تحياتي لكم ياذباحة الحايل لطامة العايل

اخوكم

000

00

0






رجـــــــم النـــــــايــــــــف الــمطـــــــيــــري

[الصبر جميل]

والله فكره ولاتنسا خطاف

الان حنا مازعلنا اذا فيه احد زعلان لان المسابقه لاتزعل احد حنامتواجدون بينكم ليس والله نقص في منتديات امطير ولاكن التنوع لازم حيث فيه من قبيلة عتيبه مسجلين في منتدى مطير وهذا شي طبيعي ولان حنا نعتبر انفسنا اهل محل وليس ضيوف عندكم ولالقينا الا الترحيب والكلام الطيب والله يديمكم على العز والطاعه ونحن اخوان لكم
تقبلو تحياتي



( تحيه خاصه لرجم النايف )

[مرزوق حمدان العتيبي]

..
.

الاستاذ العزيز والاخ الغالي
رجم النايف ... شكرا لك على هالمشاعر ... الغير مستغربه ....
واحييك واقف بجانبك على انجاح هذه الفكره الموفقه بأذن الله ...
والتي سنفعلها بحوله وقوّته ....
...
القسم كماترى الجمهور والشعراء والمشرفين
انصب جل اهتمامهم ... بمنتدى شاعر المليون...
نتيجة الظلم الذي تعرض له الشاعر الكبير بشعره يوسف العتيبي
والذي يجب على كل منصف مناصرته امام هذا الجور الغير مسئول
...
ونظراً للزخم الهائل من المواضيع والكم الجم ...من المتابعين
استلزم الامر لتواجدنا لضبط الامور بقدر مانستطيع ... لتسيير هذه
المواضيع الى الاتجاه الصحيح ...
وجهة نظري هي ان وسائل انجاح هذه الفكره التي طرحتها غير متوفره
الان بنسبه كبيره ....والسبب امور ذكرتها آآنفا ... فأرى ان نؤجلها قليلا ً ...
شكرا لك وشكر لخونا الصبر جميل ... ولكل من ينتمي الى هذا المكان
من جميع الاخوان
.....
.
اخوك...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[رجـم النـايـف المطيري]

حياك الله يالصبر جميل

وشكرا على مرورك ياولدعمي

تحياتي

[عمرالروقي]

رجم النايف المطيري
وعليكم السلام ورحمة الله وبركاته
00000000000000000000000000
اول شي - تشكر على اهتمامك
بالمنتدى وخصوصا قسم المحاوره
والذي لا يمكن ان يتألق بدون المبدعين
أمثالكم
--
ثانيا
إقتراحك جميل وفي محله
وهو بلا شك سيزيد من نشاط القسم
--
ولكن لدي بعض التعقيبات البسيطه وهي
---
1- المسابقه التي اقترحتها انت تحتاج لتنسيق مسبق
ومتابعه مستمره وبشكل يومي
ونحن في قسم الاشراف
لا تتاح لنا الفرصه الكامله بمتابعة المسابقات الا عند التفرغ التام
وهذا نادرا مايحصل لا سباب يعرفها الجميع
بغض النظر عن شاعر المليون
0000
والمسابقه التي اقترحت
يمكن ان نجعلها مباشره ورباعيه مثلا او ثنائيه
في وقت محدد ومعلوم
وبذلك نكون قد وصلنا للغايه المطلوبه
0000
اما عن تشكيل لجنة لفرز المحاورات المميزه
هذه الفكره تشكر عليها وقد تم التطرق لها سابقا
وجاري البحث 00 ليس لاجل المسابقات فقط
بل لكل امور الاشكال التي تطرأ في المحاورات من وقت لآخر
-----------------------------------------------------------
0
0
والمميزون لا يحتاجون لفرز
ابداعهم هو بطاقة عبورهم للتميز
0000000000000000000000000
وتقبل ارق واجمل تحيه
0
0
0
0 اخوكم عمر الروقي

[الرسوب]

الفكره رائعه يارجم وبيض الله وجهك عليها

وانا ماني بشاعر لكن احب المحاوره وافهم فيها على قدي ...

[فهيد الايدا المورقي]

مشكور يارجم النايف المطيري

اقتراحك جيد لكن الناس مشغوله هالايام بشاعر المليون


وعتيبه ومطير راحو اقوى من جمهور الاهلي والاتحاد

ههههههههههههههههه

وانشاء الله يرجع قسم المحاوره لسابق عهده

وبالنسبه لاخوانا المطران المواجدين في الهيلا نكن لهم

كل الاحترام والتقدير

وفي النهايه اقول عساك للسيل

ههههههههههههههههه

تحياتي

التوقيع

حسابي في تويتر faheed_1234

[رجـم النـايـف المطيري]

الاخ والاستاذ الفاضل مرزوق العتيبي

اشكرك على تعليقك على الموضوع

وكلامك صح

تحياتي لك



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ

اخوي عمر الروقي شكرا على اهتمامك فالموضوع


ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ

الرسوب الف تحيه لك على كلامك الطيب ياطيب

ــــــــــــــــــــــــــــــــــــــــــــــــــ ـــــــــــــ


بناخي الايداء كيف حالك ياخي

بس تراني زعلان عليك يابناخي الايداء من الطاروق اللي هاك اليوم

واذا تبى ترضيني ابيك تصوت 10 أصوات لتركي الميزاني هههههههههههههههههههههههههههه

تحياتي لك يابناخي الايداء

وتراني صوت للعصيمي على شانك


شكرا لكم ياخواني عتيبه

اخوكم

رجــــم النــــــايـــــــف

[النا د ر]

مرحبا مرحبا مليون يارجم النايف

ماهو مليون شاعر المليون

مليون حقيقى ههههههههه

وين ايامك يالغالى والله لك وحشه

مشتاقين لطواريقك يالذيب

عموماا اقتراح طيب يارجم النايف

وكثر الله خيرك

اخوك/// النادر

[رجـم النـايـف المطيري]

ياهلا يالنادر

والف تحيه لك يالغالي

وانا مشتاق لك انت والربع كلهم

والعين مالها غير اصحابها

شكرا