تكفون ياعتيبه الفزعه تكفون

[راعي العطفه]

لقد جرت معركه بين الدعاجين عيال مفلح بعتيبه والشواوله عيال مفلح بالعجمان
وكان سبب هذه المعركه عزوت ابن مفلح ومااعرف حول هذه السالفه الا ان الشواوله غزو الدعاجين في ديرت الدعاجين وهي الحفيره وكان من الفرسان المتواجدين بالحفيره من الدعاجين خمست فرسان وهم :
1- ذيبان بن جوباح
2- متعب بن سفران
3- حمير بن جوباح
4- هابس المجنون
5- هوشان بن جوباح
ولقد انتصر عيال مفلح الدعاجين على الشواوله الذي كان عدهم حوالي 40 رجل
ويقول انهم 20 متن مردوفه واظن انهم 37 رجل وكان عقيد الشواوله عبدالله بن مفلح الذي يتعزوا ويقول لربعه ياعيال مفلح ياهل الركايب اذبحو سمي الذيب ويقصد به ذيبان بن جوباح بسبب مافعله من فعل طيب اثناء المعركه والكل من فرسان الدعاجين فعل فعل طيب وكسرو الشواوله

ارجو من كل العتبان وغيرهم ان يزيدونا من علم حول هذه السالفه واللي يعرف قصيده حول السالفه تكفون يالربع لايبخل علينا

ربعي عتيبه والعزايم من حديد ............... لطامت العيال قدم انحورها

[مطلق الشيباني]

يابن العم انا عندي سالفه وان شاء الله تكون هي

والسالفه هذي سامعها من واحد من شيباننا

وترى يمكن اطول عليك ههههههههههههه

كان فيه خلبه من العتبان جالين عن ربعهم يم العجمان

وتخاوو هم وياهم وفي احد السنين قالوا نبي نغزي السبعان

وتراكم ياعتيبه في وجيهنا انا ما نجي عتيبه ووعدوهم

لان السبعان ورى دير عتيبه قال واحد منهم ابشروا مادامكم حطيتونا في وجيهكم

وراحوا وتعدوا عتيبه ووفوا بوعدهم للعتيبي وكسبوا سبيع وفي السنه الثانيه

قالوا لنفس العتيبي ودنا يم السبعان نبي ناخذهم قال تحطوني في وجيهكم قالوا تراك

في وجيهنا ويوم وداهم واقبلوا على دير عتيبه قالوا ياولد القبله ترى الوجه من الوجه

ابيض وقال وش هالعلم قالوا الي تشوفه وهو كان لحاله واهله في دير العجمان ما

كان عليه

الا يصكت وغاروا العجمان على عتيبه وهم يقوولوون يلاد مفلح ياهل الركاب

والدعاجين قاموا وانتخوا بلاد مفلح اهل البل وهذه هي عزوتهم

وهزموا العجمان في هالمعركه وكسبوا منهم الخيل والجيش

وفي هاك الايام معروف ان العتيبي يقدر انه يتوسط اذا كان الغريم جاره او خويه

فقاموا وراحوا للعتيبي وقالوله نبيك تتوسطلنا عند عيال عمك وربعك وتجيب

خيلنا قال الي علي ابي اسويه وقام وراح للدعاجين والدعاجين ما قصروا معه

رجعوا بعض من الخيل التي وخذت من العجمان ويوم رجعوا قالوا القصه لاميرهم

فقال كيف وخذتوا قالوا حنا لقينا خلبه منا اخذتنا (قصده ان العزوتين متشابهه)

.................................................. ...................................


هذا هو الي عندي ياولد العم واسف على الاطاله

مع تحيات :- مطلق الشيباني .......................

[الخنفري]

الى الحر النداوي........................ راعي العطفه
الى ذيب حلبان ...................... مطلق الشيباني

الله لايهينكم على القصه الرائعه وهذي ماهي غريبه على الدعاجين قوم ابو سجدي
وسلامتكم

[مطلق الشيباني]

ماعليك زود يابن العم وهذا واجبنا في المنتدى

ومشكور على ذيب حلبان ترا راسي انتفخ ههههههههه

مع تحيات اخوك وابن عمك :-

...................... مطلق الشيباني ......................

[الضيط]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههه

والله ونعم يامطلق الشيباني والله والله يوم شفت الموضوع يقول الفزعه ياعتيبه قلت والله لألقى أول واحد يرد عليه شيباني وفعلا كان الأمر كما توقعت لأن الشيابين مشهور عنهم الفزعة والنخوة ولايكاد بطن من بطون عتيبه يجاريهم في هذا الشي واقول والله وسبعين نعم في الشيابين ولا تكفي بعد

[مطلق الشيباني]

ماااااعليك زود يابن العم

والف نعم بالاد روق

وتقبل تحيات اخوك وابن عمك :- مطلق الشيباني .................

[ابن داعج]

والقصه معروفه

[حماي التوالي]

السلام عليكم ورحمة الله وبركاته
اتشرف بوجودي معكم هنا بالمنتدى

وبخصوص القصه التي ذكرها الاخ الفاضل راعي العطفة وطلب الفزعه بتزويده باي علم حول السالفه فسأكتب ان شاء الله مالدي من علم بخصوص الواقعه المذكوره وبخصوص الفرسان الذين حضروها , حيث يوجد نوع من التداخل بينها وبين واقعه اخرى حصلت مع شمر

[سبيـ الصقر ـشل]

(صحة قصة المعركه بين الدعاجين والعجمان مصدر القصه منتدى العجمان)

السلام عليكم ورحمة الله وبركاته




غزو العجمان على الدعاجين قتل فيها القارس حمير بن دبلان قتله الفارس حميّر بن جوباح الدعجاني وهذا طبع العرب يوم آخذ ويوم مأخوذ ولو ماهم شجعان ماطمعوا في العرب وغزو
والعجمان قوم ونعم مافيهم حيله ولهم سياده على كثير من مناطق الجزيره ولهم وقائع مشهوره لاتخفى على الاعيان وفيهم تضرب الامثال بالشجاعه وهم قبيله محبوبه عند الجميع
وكان غالب الدعاجين غير موجودين حيث كانو في غزو بقيادة الشيخ ناصر بن عقيل ومعه كثير من فرسان الدعاجين من ضمنهم الفارس ذيبان بن جوباح والفارس مناحي بن جوباح وكان حمير بن جوباح وقتها صغير السن ولم يتواجد من الدعاجين وقتها الا القله من ضمنهم الشيخ جفين بن عقيل وكان كبير السن وكذلك الفارس هباس المجنون والفارس زايد بن شامي وأسماء لاتحضرني الان سالحقها ان شاء الله

وقد صبح العجمان الدعاجين ولم ينتبهوا الا والقوم يحوون في ابلهم وكانت المعركه في بدايتها لصالح العجمان فركب الفارس حمير بن جوباح الفرس وهو صغير السن وكانت اول معركه له واذا بالشيخ حمير بن دبلان وسط ابل الجوابيح المسماه (رخوه) هو وقوم معه يحوون فيها من ضمن العجمان الذين أخذوا ابل الدعاجين وتوازعوها فنحره الفرس يريدها ان تطرحه حيث كان نازلا ولاكنها انحرفت عنه مما جعله يرمي نفسه عليه وبندقه في يديه فقام الفارس حمير بن دبلان باسقاط حمير بن جوباح على الارض نظرا لصغر سنه محاولا فك خوصته من بطنه حتى يقتله وقد شاء الله ان تأخر في فك الخوصه من جرابها وفي هذه الاثناء قام حمير بن جوباح بسحب البندق حتى جعلها في احشاء بن دبلان واطلقها فسقط عندها استمنع من كان مع ابن دبلان في ذلك المكان وذلك طلبا من حمير بن دبلان نظرا لان صوابه كان بليغا أدى الى وفاته بعدها بفتره وجيزه وهم في المنع وهذه عادة قبائل الجزيره اذا سقط شيخهم اما ينكسرون او يستمنعون خصوصا الغزو لانه لايكون هناك بيرق او رايه يتناوب الفرسان حملها كما هو في الاكوان التي بين القبائل ويحضرها كبار مشائخ القبائل . مجرد حيافه طمعا في الابل . ولحق الفارس حمير بن جوباح بربعه واذا الفارس هباس المجنون يخرج الدم من فمه وهو يقول ياحمير ياويلي عليكم ويلاه وقام بنقله لمكان آمن واذا بالفارس زايد بن شامي قد كسرت رجله من طلقه قتلت فرسه ثم لحق بالشيخ جفين بن عقيل لمساعدته واذا هو يدافع عن ابله من بقية الغزو وهو يضرب بسيفه وكان كبير السن وقد نازلو القوم حتى افتكوا العشوى ابل بن عقيل

وقتل تحت الدعاجين سبع من الخيل اضافه الى مقتل الفارس هباس المجنون

ومن عجائب الواقعه تشابه اسم الفارسين حمير بن دبلان وحميّر بن جوباح وكذلك كسب بن جوباح ذلول بن دبلان المسماه حمره

منقول من موقع منتدى قبيلة العجمان