هذي عنيزه مانبيعه بالزهيد لافرعن البيض نحمي جالها

[مسلط 22]

بسم الله الرحمن الرحيم

الشاعر علي الخياط

يادارنا لا ترهبـي يومـك سعيـد حنـا مقابيـس اللقـا ورجالـهـا

هذي عنيـزة مانبيعـه بالزهيـد لافرعن البيـض نحمـي جالهـا

دونك ودون الغيد مخضرالجريـد نروي من الضد الحريب سلالهـا

ياما ذبحنـا دون غضـات تميـد جنايز ترمى ولا أحـد(ن) شالهـا

ياشيخ ياللي مانشـا مثلـك وليـد لارفعن الخيل شهـب اذيالهـا(؟)

لوجت عناز وشمر وابـن رشيـد ونجـد جميعـه دقهـا وجلالهـا

جبته وخليتـه كمـا حلقـة حديـد شرق وجنوب وغربهـا وشمالهـا

الدار دونه لابتن تحمـي الطريـد صعب على كـل العـدا منوالهـا

كم سابق يوم اللقـا جريـه يزيـد عاداتنا ضربه وضـرب أمثالهـا

تاطا حديد وفـوق راكبهـا حديـد توطـتـه مركوبـتـه بنعالـهـا

عينت وين الضـد تكفـى لاتحيـد اللـي تعشتـه الضـرا وعيالهـا

الشيخ مثلك مايحايـد مـن بعيـد يارد على دار بكوا نزالها

لي بندق(ن) ترمي اللحم لو هو بعيد ماوقفـت بالسـوق مـع دلالهـا

نعبا رصاصه ستة أشبـار تزيـد ملح الجريـف محيـل يعبـا لهـا

ربعي هل الطولات والباس الشديد خطـر عزايمهـا تهـد جبالـهـا

اولاد علي هم عما عيـن الضديـد عقالهـا يـوم الوغـي جهالـهـا

وان كان تبغي الحكم فالراي السديد ازحم على الديرة وخضب جالهـا

قطع النخل مهوب عيـب والوقيـد والعيـب باللـي ماتتـم أقوالهـا

والله يجازي كل جبـار(ن) عنيـد منا ومنكم يوم عـرض أعمالهـا

وانتم سالمين والسلام