معلقة الداعيه عجب الشيباني في الذب عن عرض رسول الله صلى الله عليه وسلم

[ابن مشيب]

بسم الله الرحمن الرحيم


الإخوة الاعزاء/ السلام عليكم ورحمة الله وبركاته , وبعد......


لايخفى عليكم ماقام به احد الكتاب الدنمركيين الحاقدين , بنشر كركتور مشين عن الرسول صلى الله عليه وسلم في احدى الصحف الدنمركيه , ثم توالت الرسوم الكركتوريه الحاقدة , على رسول الله صلى الله عليه وسلم , وعلى المسلمين والدين الاسلامي , وقد اغضب هذا الفعل القبيح , اكثر من مليار مسلم , نسئل الله ان يرينا فالنصارى الحاقدين اليوم الاسود.

وبهذه المناسبة , هاضت قريحة الداعية والشاعر/ عجب بن صنهات بن سويلم السعساع الشيباني , وقال هذه المعلقة للدفاع والذب عن عرض رسول الله صلى الله عليه وسلم , فداه ارواحنا واولادنا واموالنا , يقول فيها:

الاوله بسم رب الكون نبدابه=الي على العرش للداعي فتح بابه
بديت بسمه جليل الملك سبحانه=هو ربنا المعتلي ماخاب طلابه
يغضب ليامن سألنا واحدٍ غيره=وليا سألناه كل الخير نحظابه
الجن والانس خالقهم لتوحيده=والي عن الدين يعرض ياخذ حسابه
نجى إبراهيم لين النار صارتله=برد وسلام ومنه الحر ماصابه
وبقدرته جملة الاصنام حطمها=وارسل جنوده على النمرود وحزابه
والثانيه ذكر سيدنا رسول الله=نعيش مع سنة ونحكم كتابه
محمد الهاشمي صفوة عيال آدم=للجن والانس قاموس الهدى جابه
نؤمن بانه إمام الرسل وآخرهم=السلم الي لجنة عدن نرقابه
الطير والانس والحيوان يشكيله=والجذع والناس والمسجد ومحرابه
ويوم انتقل للرفيق العالي الوالي=فآخر حياته عمود الدين وصابه
نعوذ بالله من الاحداث من بعده=ونبقى على سنة المبعوث واحبابه
نقطف ثمر دعوته ونعيش مع هديه=ونقتص اثار الحبيب ونلبس ثيابه
فالشرق والغرب عيني تنظر القبله=والمسجد الي رسول الله صلابه
دب الدنمرك مع كفره وطغيانه=يلعب بذيل السفاح وتضرس انيابه
لاقام راع الدجاج البرق يتعدى=حنا دواء علة الي عمست اطبابه
ياهو مصابٍ بفلونزا مع طيوره=ولا لحق عالمٍ جن البقر صابه
غلطان يامعلن الحرب الصليبية=حنا هل الحرب ليامنا بلينابه
مانعتدي لين احدٍ يطمع ويتعدى=نقوم ضده مقامٍ صدق يدرابه
ماهمنا لويقوم القرد وخوانه=يومي براسه كما خنزيرة الغابه
على النقا مانحارب من يسالمنا=وعلى النقا مانسالم ناس حرابه
وعلى النقا مانخون العهد ونصونه=وحتى مع الخصم عهد الله وفينابه
وفي شرعنا كل من خان العهد ماله=الا يودب مثل من قلت ادابه
صحف الدنمرك ناصابه ومفتريه=نشراتهم عن رسول الله كذابه
لومثلوا صورة المعصوم من ربه=سخط من الله علاهم جابوا اسبابه
يوم انكب في بحور الكفر مركبهم=واخزاه ربه بربانه وركابه
من سما الاسلام بالارهاب وهو الي=لانواع الارهاب ثدي الام والبابه
يولع النار مار الله يطفيها=وفي كل دوله فتح للشر بوابه
ومن العجب كل صحف العالم الحرة=عميا وصميا عن الطغوت ورهابه
لوكان يعلم خطورة بصمة يدينه=يلبس دسوس السلام ويلبس حجابه
مسعورة الشر معقورة ومنحورة=مثل الرحى تطحن ولنار شبابه
الكفر والبطش جرمه زاد عن حده=غطى على العالم الثاني بجلبابه
مواصل الزحف تهجيره وتظليله=مثل الغثى والجراد الربد بسرابه
والدين منصور والاشرار مخذوله=الظلم يزهق زبد سيله وسحابه
مليار لحية من الي صار غضبانه=شعب وحكومات كلٍ يفتل اشنابه
ونشكر ملكنا صليب الرآي عبدالله=سيف الجزيرة عمود البيت وطنابه
مع الدنمرك بادر في مقاطعته=قطع العلاقات صرحبه ونادابه
الاول خادم البيت فاز ابها=رمز العقيدة وسيف العدل ونصابه
خليفة المسلمين القدوة الحسنه=نرفع شعاره ونفخر ونتعزوابه
وصلوا على محمد المختار سيدنا=السلم الي لجنة عدن نرقابه

اسئل الله ان يجزيه خير الجزاء , وان يجعلها في موازين حسناته , وان لايحرمنا واياكم الاجر والثواب




تحياتي

[أبو الوليد]

*****
***
**
صح لسانك يا بن مشيب ولسان الشاعر عجب الشيباني
معلقة رائعة في الذود عن سيد البشر صلى الله عليه وسلم
جزاك الله خير على نشر مثل هذه القصائد الإبداعية .
تقبل موفور التحية .

التوقيع

https://twitter.com/abalwled عَظيمةٌ أنتِ يـا أرضَ الرسَـالاتِ = يا مهبطَ الوحي فِي خَتْـمِ النبـوَّات أنْتِ السُّعُوديَّةُ العَلْيَـاءُ فِـي شَمَـمٍ = تَعْلُو عَلَى كُلِّ مَنْ تَحْـتِ السَّمَـوَاتِ

[ابن مشيب]

المشاركة الأصلية كتبت بواسطة أبو الوليد

*****
***
**
صح لسانك يا بن مشيب ولسان الشاعر عجب الشيباني
معلقة رائعة في الذود عن سيد البشر صلى الله عليه وسلم
جزاك الله خير على نشر مثل هذه القصائد الإبداعية .
تقبل موفور التحية .

صح بدنك , ويستاهل الشاعر عجب , والله لايحرمنا واياك الاجر والثواب , واسعدني مرورك الرائع وردك الكريم



تحياتي

[الحدب]

[QUOTE=ابن مشيب;274640]

ومن العجب كل صحف العالم الحرة=عميا وصميا عن الطغوت ورهابه
لوكان يعلم خطورة بصمة يدينه=يلبس دسوس السلام ويلبس حجابه
مسعورة الشر معقورة ومنحورة=مثل الرحى تطحن ولنار شبابه
الكفر والبطش جرمه زاد عن حده=غطى على العالم الثاني بجلبابه
مواصل الزحف تهجيره وتظليله=مثل الغثى والجراد الربد بسرابه
والدين منصور والاشرار مخذوله=الظلم يزهق زبد سيله وسحابه
مليار لحية من الي صار غضبانه=شعب وحكومات كلٍ يفتل اشنابه

صح لسان قايلها وبيض الله وجهه

فداك أبي وأمي يارسول الله عليك أفضل الصلاة والتسليم وعلى آلك وصحبك ومن تبعك بإحسان إلى يوم الدين

وسلمت أناملك على هذه المشارك
يا أبن الجود يا(أبن مشيب)
لك مني جزيل الشكر والتقدير

أخوك
(الحــــــــدب)

[ابن مشيب]

[QUOTE=الحدب;276208]

المشاركة الأصلية كتبت بواسطة ابن مشيب

ومن العجب كل صحف العالم الحرة=عميا وصميا عن الطغوت ورهابه
لوكان يعلم خطورة بصمة يدينه=يلبس دسوس السلام ويلبس حجابه
مسعورة الشر معقورة ومنحورة=مثل الرحى تطحن ولنار شبابه
الكفر والبطش جرمه زاد عن حده=غطى على العالم الثاني بجلبابه
مواصل الزحف تهجيره وتظليله=مثل الغثى والجراد الربد بسرابه
والدين منصور والاشرار مخذوله=الظلم يزهق زبد سيله وسحابه
مليار لحية من الي صار غضبانه=شعب وحكومات كلٍ يفتل اشنابه

صح لسان قايلها وبيض الله وجهه

فداك أبي وأمي يارسول الله عليك أفضل الصلاة والتسليم وعلى آلك وصحبك ومن تبعك بإحسان إلى يوم الدين

وسلمت أناملك على هذه المشارك
يا أبن الجود يا(أبن مشيب)
لك مني جزيل الشكر والتقدير

أخوك
(الحــــــــدب)

ووجهك ابيض يالحدب , والله يسلمك من النار والعذاب , واسعدني مرورك وردك الكريم




تحياتي