قصيدة في الابل للشاعر عبد الله السميري ..

[السميــــــري]

..

هذه قصيدة في الابل ..

جعل الخيال الي تكاشـف بروقـه= المملكـه يسقـي ثراهـا سحابـه
ينشي مغيـب وقـدرة الله تسوقـه= يحمل زضاه وخالي مـن عذابـه
يضفي على شبه الجزيره حقوقـه= نوخشومـه تشتبـك فـي عقابـه
ويصدق على نجد المطنخ صدوقه= تسيـل وديانـه ويـروى ترابـه
يقض رمله من طوارف عروقـه= وينزل خفاف الحصى من هضابه
خمسة عشر ليله وتنتـب طروقـه= والعشب يكسي بالخضار الدعابـه
تلقى البدو في نجد برقـا وروقـه= وخنذف ومعهم من قبايـل شبابـه
تشوفهـم كـلاً حلآلـه يسـوقـه= في روض أخضر يسعد اللي مشابه
كل بدوي يمشي على شف نوقـه= يتبع هوى أبله لو يطـول غيابـه
أبلـه مغاتيـراً نضرهـا تشوقـه= خوات أبـو واوصافهنـه تشابـه
وضح عليهـن الكبـود محروقـه= من دونها الرجال يرخص شبابـه
وضح على صوت الموده شفوقـه= ليا صاح راعيها يجيهـا طرابـه
واليا بطح ما حدً طمع في لحوقـه= مشيه يضيع هقـوة الـي هقابـه
وبقدرة الحـي العزيـز مخلوقـه= الحكي يعجـز وصفهـا ماوفابـه
والا مجاهيـمً كـلامـي تفـوقـه= اوصافهن سؤال من غيـر أجابـه
سـود تقـول أرقابهـن محلوقـه= ووجيههن تشبـه وجيـه الذيابـه
ليا أرزم جملها تجتمع ولف فوقـه =كن الفحل فالذود ريـس عصابـه
الضيف فأدناها يحصـل غبوقـه= عقاير الي جايـر الوقـت صابـه
عند البدو وأهل الحلال معشوقـه= دايـم وراعيهـا عزيـزً جنابـه
والامعه شعـلاً خطاهـا سبوقـه= مثل الذهـب والا عنـه بالنيابـه
أغلى من الدم الحمر في عروقـه= من دونها الموت الحمر مرحبابـه
مال الزبون بقيمة الشعـل طوقـه= مثمونهـا كـل الزبايـن تهـابـه
كسبان راعيهـا وربحـان سوقـه= يحسب حساب أبله ويحسب حسابه
كم شاعرً منهـا تحـرك خفوقـه= نالت أستحسانه ونالـت أعجابـه
والا بذودً صفر وأبسـط حقوقـه= للمركـز الأول يـتـم أنتخـابـه
ماله حلي غرب البـلاد وشروقـه= ذودً خيار وحـظ راعيـه جابـه
قدامهـن العشـب ماحـداً يذوقـه= والماء هن أول من يغثبر شرابـه
ليا سرحن من يم هضبـة خنوقـه= يمسن بالراحـه حبـر والغرابـه
وليا شافها المشتاق يـزداد شوقـه= وأن شافها العاقل يضيع صوابـه
هذا هوى بالـي وشفـي وذوقـه= لابوه ذوقً غيرهـا ويـش أبابـه
ليا سقتها معيه طحاطيـح روقـه= ربعً لهم فالأرض قـدر ومهابـه
عدوهـم مايدخـل النـوم موقـه= ورفيقهم ينسـى الحـزن والكآبـه
وأنا مـن الـي عهدهـا ماتبوقـه= الاد سامـر لآبـة وسـط لآبــه
رجالنـا يمنـا عطـاه مخروقـه= سيف يكفـي سلـة عـن نصابـه
وأختامها يـارب عبـدك ونوقـه= من الدعى وأنته عليـك الأجابـه

للشاعر :

عبدالله فيحان السميري