يالوضح ......عبدالله بن نايف بن عون

[سطام الرويس]

بسم الله الرحمن الرحيم
دائما يصعب علينا تقديم عبدالله بن عون هذا العلم الذي بمجرد مرور اسمه يغني عن لقب الشاعر ..هنا يناجي ابن عون ابله التي حس بمعاناتها لاحساسه المرهف السامي وشاعريته الاحدود لها ..اقراوا هذه الرائعه الجديده لعبدالله بن عون ..

يالوضح ماحدك على حاجر الشيــح...................... ومنابت الحرمل شمال المسما
وهاك الخشوم الي حصاها صلافيح.................... الا الزمان الي ماهوب اخو شما
البر ضــاق وضايقوك المشافــــــيح.................... واحتدك الضامي على الي مضما
مير اطلبي منشي السحاب المراويح................. يــرزقك رزاق المخالــــــيق لـــــما
بمزن يجي من يمة الغرب طفيــــــح...................... وليـــا ومــره الله رعــد ودلهمـا
نـــو عروض للرعـد فيه تســـــــبيح.......................... اليـــــا توهل عالية نجد سما
مـــدة كـــريم ساقها مرسل الريــــح....................... من حـــد كشب للوريعه وحــما
قدمـــه ربابــه كالنعام المشاويـــــح........................ ربــــد تقول اقطــــاع بدو تلمـا
فيـــه الرعــد كنه مصــلي التراويح....................... اليــا قرا صــورة تبـــارك وعما
ياخذ شهر وثعول وبله مدابيــــــــــح........................ نوب على الهادي ونوب يتحما
يغنيك عن مرتع قراش الفلا ليـــــح...................... الي دبشـــهم هامــــل ما يضمــا
واسلاك شايكــــة تجرحـــك تجريــح ........................وارض بها اكياس النفايه ترما

وسلامتكم......................

[ماجد الرويس]

تسلم علي النقل ياسطاااام وللة درة ابو نايف
تحياتي لك

[نادر العش]

..


ما شاء الله ..

لا يأبى الشعر أن ينساق كسوق الجمال .. مع شاعر قليل من هم على نهجه ..


بيض الله وجهك ياسطام ..


وياليت ماتنسانا بقصايد عبدالله وغازي ..






لاتنسانا ..




نادر العش ..

[ذيب السبايا]

تسلم يالغالي

[أبو نجر النفيعي]

..

هنا الكلام..........!!!

صح السان عبدالله بن عون

قصيده رائعه ومعبره

ولاهنت على النقال.


.-*-. تقديري .-*-.

التوقيع

.....

[سطام الرويس]

ذيب السبايا
ابو نجر
نادر العش
شارب فنجال بوش
الله لا يهينكم على المرور الكريم
وماقصرتم

[هلال الدوادمي]

بيض الله وجهك يابو نياف
هذا الكلام من جد ابيات جديه من قلب


الله لا يهينك

.......................يالغالي


شاكر لك

[فهيد الشيباني]

ابن عون وقصيده جميله صح لسانك ولسانه

[الرويس فارس]

صح لسان ابن عون ومشكور علي المشاركه

[متعب العصيمي]

ماشالله
صح لسان قايلها وسلمت يمين ناقلها
دااام عطاائك
موودتي