!!.... ( باقي سِنيني ) ....!! ن/3

[حسين الغنامي]

.. بسم الله ..






اخواني الكرام .. وآبناء عمومتي .. الاعزاء .. كل العذر عن هذآ الغياب الغير مقصود مني
لـ/ ضروف عمليه .. آتت وآبعدتني عن المنتدى ولكن عنكم لاتزالون في داخل سويدآ القلب



وهنا اقدم هذه البسيطه كـ/ عذر عن هذآ الغياب .. وكـ/ مصافحه جديده معكم
ولكم مني فائق الود والاحترام

على الله يازمانٍ شلت فيـه مـن الهمـوم ثقـال=على الله كيف آخلف فالوعـود وشتـت سنينـي
على الله وانت يالغالي اشوفـك داخلـي تحتـال=تزيف فالمشاعـر وانـت شكلـك .. ماتدانينـي
حبيبي وانت في جوفي ترى دايـم تجـي تغتـال=مشاعـر صادقـه بالحـب يمـك دوم تهديـنـي
ترفـق يابعـد عمـري ترفـق ياغنـاة الـبـال=ترفـق فـي قليبـي .. ياحياتـي .. لاتعنيـنـي
تعال اقـرب وكلمنـي تعـال إقصـر بهالاميـال=وجاوبني إذا بسـآل وخـل يديـك فـي يدينـي
آبسآل ليه عشت اليوم تسمـع كـل قَيـل وقـال=آبسـآل ليـه زيفـة المشاعـر فـي شراييـنـي
انا احبك ومن حَبـك تـرى والله يطيـب الفـال=سعـاده ساكنـه فـي داخلـي دايـم تسليـنـي
حبيبي وانت تعرفني شجاعٍ من قـروم / رجـال=كريـمٍ // والكرامـه داخـلـي لا ماتخليـنـي
انا روقي من عتيبه وربعـي مضـرب الامثـال=صناديـدٍ علـى العـزه وفالديـره سلاطيـنـي
وراثه فيني من ربعي وانا الشاعر / وانا الخيـال=اجيـب مَـن الطـروق اللـي اغنيهـا وتغنينـي
وانا مـع هيبتـي والله احبـك واعشقـك بخبـال=ياحضك في شموخي // وانت حضك زاينٍ فينـي
يقولون الغزل دايـم يجـي هـرجٍ بـلا آفعـال=وانا بتغـزل اليومـه وابثبـت لـك .. براهينـي
حلال ولابغيت من الحـرام قِصـار ولا طـوال=على السنه ابي حضـرة جنابـك ساكـنٍ عينـي
حبيبي وإن اخذت من العلـوم وهرجـة العـذال=بعيف الحب // واسم الحب // واقوله إنه مايعنيني
ولكني علـى عهـد الهـوى باقـي انـا ولا زال=( احبك ) ثم ( احبك ) ثـم ( احبـك) يامعنينـي
وانا الَحين ابي اطلـب رجوعـك ياغنـاة البـال=تعال وثبت عهودك .. وجمٌع ( باقـي سنينـي )

وسلامتكم ..




آخوكم .../ حسين بن عزام العطاوي



.
.