الفارس /شليويح العطاوي

[عتيبي معاصر]

ياليتني جنبت مناك مناك = ولاجيتهم مستردف لي رديفي
ولاجيتهم من فوق دمثات الأوراك = شيب الغوارب مبعدات الوليفي
لاوالله الا علقوني بشباك = شبك الدلي من فوق قامت عفيفي
ان كان مقبل كل ماقلت يفداك = ماحدت البصره لدار الخليفي
وان كان مقفي قلت يابكرة الراك = مايتبع المقفي ياكود الضعيفي
يابوهدب عين الى طرفت افكاك = يضفي الى حد الحدق بالرفيفي
ياحمود سق في شمعة الدار حمراك = لو كان بي تهفي بشان الشريفي
دوك اللقوح وبنت خرمان تقفاك = صفر صفوق اذيالهن بالخليفي
ويش الحول في بنت ذباح الأتراك = مرخي على ارقاب السبايا الرهيفي

[سعيدان]

عتيبي معاصر



صح لسانك ولسان الفارس شليويح العطاوي



ونعم وسبعين نعم وياليت اذا عندك قصص عن هذا الفارس لاتحرمنا منها

[ابـن نـعـيـس]

صح لسانك ولسان الفارس شليويح


لاهنت يالغالي



تحياااااااااااااااااااااااااااااااتي

التوقيع

[عتيبي معاصر]

سعيدان

صح بدنك والله لو عندي ابشر

بس والله ياولد العم ماهي عندي

ولاهنت

[عتيبي معاصر]

ابن انعيس

صح بدنك ولاهنت على مرورك

[عباس مشعل الشيباني]

صح لسان الشاعر

وتسلم يمينك ياصاحب الموضوع

واخي الي تسال عن قصائد وروايات شليويح العطاوي موجوده في قسم فرسان القبيله

مع جزيل الشكر

[عجاج الليل]

ياسنايدي ياشليويح

تحياتي لك اخوي عتيبي معاصر .

[عتيبي معاصر]

عبااس مشعل الشيبااني

الله يسلامك ولاهنت على مرورك

[عتيبي معاصر]

عجاج اليل

لاهنت على مرورك المتواصل