لي عزوةٍ تضرب على الذل اكسين ( xx )

[مشعل بن حويد]

صباح الخير

رايح هجوس الراس ..بالله على وين ؟=ماعادبه ..ياهيه ..روسٍ وفيّه
خلّك هنيا..واضرب الحرف حرفين=كل ماتكاسل حرف ..كز ..بخويّه
لك مجلسٍ مفروش ..ورد ورياحين=لك هيبةٍ ..تفرض شببها عليّه
لك ..ثورةٍ لا جات جاتك على حين=تقبع على المذّي وتبري وذيّه
يومن تشطّربك نواتك بشطرين=ياهملالي ..يا "جِدار الخليّه "
عزّي لمنهو..معترضلك بعرضين=الأوله ..ندمح ..ولكن بليّه..!!
قل للذي يرمز بشعر العناوين=يطرق هلامه بين " اهٍ " و " إيّه "
قلّه ..دساسك ياحبيبي على مين ؟؟!!=أصفر ..صفار النار والنار حيّه
لكن يابن ادم على الزين والشين=عي المقابل.. من يعاشره عيّه
هو وسواته فعل ناسٍ كثيرين=وقتٍ تكاثربه نفوسٍ رديّه
يعني عشان اني كسحت الميادين؟!=ربّي عطاني والمواهب عطيّه
مايِدْوِخ السجّان صوت المساجين=من كثر مايسمع في أذنه رخيّه
وانا عريبٍ من سلالة عريبين=اختارعاليها واكب الهفيّه
لي عزوةٍ تضرب على الذل اكسين ( xx )=منها استمد العز ..و ارد مديّه
لاصحت " ابن مفلح "وقاموا دعاجين=هز البسيطه من خطاهم ..حضيّه
و الاّ انت يامسجون في يد سجين=بطلق صراحك..واطلب الله جزيّه
عوّد على ( ..... ) تلقا الفستاين = امفصله في كل دق ورويّه

[أبو نجر النفيعي]

ابداع ابدع
صح السانك وسلم لنانك

قصيده جزله من جزل


لاهنت يابن العم


تحياتي

التوقيع

.....

[الفراهيدي]

مشعل بن حويد

صح لسانك يالغالي

على القصيدة الجزله يالجزل

والله ونعم بالاد مفلح

التوقيع

AL-frahedi@hotmail.com

[سعد بن مطلق المقاطي]

صح لسانك يابن مفلح

ونعم في الدعاجين
ونعم في عتيبه كلها
تحياتي

التوقيع

ديــــــــــــــــواني

[خالد الدعجاني]

تسلم ياولد العم من كل عيــن
وشهد ان قصــيدتك يبلها تحيه |199|

[يوسف عبيد]

صح لسانك على القصيدة الرائعه

[عمرالروقي]

صح لسانك يبن مفلح
ولاهننت
------------\
-----------------------

[ابوجراح]

صح السانك مليوووووووووون يامشعل

[align=center]لي عزوةٍ تضرب على الذل اكسين ( xx ]

تعبير راييييع

[أبو مرحبا]

الاخ مشعل بن حويد

قصيدة رائعة

صح السانك

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[النايع]

ونعم بآلاد مفلح

صح لسانك وعلا شانك