***حالفاً ما تعبر دموع الهزيمه فوق خده **** - الهيـــــــــــــلا *** منتدى قبيلة عتيبة

الهوك.......... · 09-Jun-2006, 05:41 PM

عزتي للي تلوى به لياليه وتحده = بينه وبين الليال العاتيه حرباً طويله
راح به وقته وجابه في زمانه لين هده = لين صار يساير التيار في عدله وميله
كان ياخذ والزمن يرجع عليه ويسترده = ويتبع الدنيا ويطردها برجلينه وخيله
وكان وده يلحق العالم ويمسكهم بيده = وكلما زادت حضارتهم بحث له عن وسيله
وكان ياقف في طريق البحر في جزره ومده= يحسبن الموج لو لاقاه ما يقدر يشيله
لا لمح له باب للمخراج جا شياً وسده = والظروف بشوكها وعروقها شقت صميله
يفتكر بس الحظوظ العاثرة والوقت ضده = لين ما كثروا عليه أضداده وضيع قبيله
وعقبها هون وعوّد يلبس حزامه وشده = واكتفى عما يشوفه بالضرورات القليله
حالفاً ما تعبر دموع الهزيمه فوق خده = لوتقف فوق المحاجر تشغله في كل ليله
معترف ويقول هذا الوقت انا ما نيب قده = لو تعداني ترى ما عاد عندي فيه حيله
راعي التطوير يبغى له بنوكاً مستعده = تسعفه يلحق ورى الموضات ويغير مديله
العصور الماضية فالبادية رغم المكده = كانت أفضل من حياة اليوم وأيام جميله
يوم عيش الناس بالسهله وزاد الضيف بده = والسعيد اللي تحت فيه شره يلقى مقيله
قبل ما تظهر على الناس المفارش والمخده = والمراكز والسلع والمستجدات الثقيله
الحضارة داهمتنا بالجيوش المستبده = كل يوم الها مع الوديان سايلة ً مسيله
تركها يعني تخلفنا عن ركاب الأشده = وطردها اذهبنا وصار من الأمور المستحيله

مع تحيات / بعيد المدى العضياني 1427هــ

خلف بن مرزوق · 09-Jun-2006, 07:43 PM

....
..

الله الله على الابداااااااااااع

الهوك الله ينصر دينك

شاعر فريد من نوعه

وقصيدة شاااااامخة

جزالة وسلاسة وحكمه

هكذا الشعر ولا بلااااش

احترااااااااامي لحرفك وفكر الراقي

مودتي

التوقيع

اهداء لاعضاء وزوار الهيلا
777
77
7
ديوان الشاعرالعملاق / رشيد الزلامي

ديوان الشاعر الكبير / حبيّب العازمي

al3azmi@w.cn