وش أقشر ما جرى علاك؟

[صنيتان قرداحي]

[TABLE="width:70%;background-color:white;"][CELL="filter:;"]

ودي اذكر سالفة ودي بعد ان الاعضاء يشاركون في هالموضوع وكل واحد يذكر اقشر ماجرى عليه
خاصة المواقف والسوالف اللي فيها طرافه


السالفة هاذي جرت على الشيخ/ عمر بن ربيعان وانا سمعتها من احد الشيبان وهي قديمة

يقول كان الشيخ/ عمر بن ربيعان قاصدٍ الحساء ومعه مجموعة اربعه اوخمسة رياجيل المهم وهم في طريقهم مارين بالدهناء وينشدون الناس اللي على دربهم عن العرب ويذكر لهم عتبان فلان وخوه وهم اثنين اخوان وتجار معهم حلال وطرش المهم عمر عرفهم بالسمعه والا شخصياً مايعرفهم وهم واحدٍ منهم طيب وكريم واحد خبيل او دون شوي
المهم يوم جت حروة المعشاء وهو حولهم وينشد ناس عنهم قالوا الطيب الموالي المهم خطروا الرجال وهلابهم وذبح الذبيحه وعشاهم وسمروا وسولفوا وغبقهم من الحليب قاموا اخوياه وراحوا لرحايلهم وبسطوا افرشهم يبا يرقدون عمر جالسٍ على النار عند معزبه (جاب العيد) المهم قدم يقوم يروح لخوياه اسند على معزبه ينشده عقب عشاه وغبقه قال( أخوك الرخمه وينه) هههههههه شف عاد الرد!
قال انا الرخمه وخوي الطيب ليا منك انشاء الله افطرت وتقهويتوا على دربكم تقهوون الضحاء عنده انشاء الله
والله مار يقوم الشيخ ضايقة ٍ به الوسيعه ويوم اقبل على ربعه ويشيل على راسه من التراب قالوا انت علامك ياطويل العمر علمهم بالسالفة المهم سروا من ليلهم ممرحوا وهم في رجعتهم من الحساء يوم وازنوا العتيبي هذا ويرسل عمر واحد من أخوياه بخيشة هيل وخيشة قهوة قال رح عطهياه

وهاذي السالفة
وسلامتكم ... ولو ان فيه منتدى للسوالف كان ازين

[/CELL][/TABLE]

[خلف بن مرزوق]

000
00

عز الله ان ماهوب رخمة


بيض الله وجهك ياصنيتان


وهذي السوالف اللي تليق بمجلس الرجال الهيلا



مودتي


.

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn

[صنيتان قرداحي]

بيض الله وجهك ياخلف مرزوق وهذا من طيب اصلك


شكرا لمرورك ياغالي بس عاد ترى نبا منك سالفه وش اقشر ماجرى علاك

[نداوي هوازن]

تسلم يا صنيتان على السالفه الشيقه
وانا قايلن لك منذ مبطي ان عتيبه ما فيها رخوم .. كلها صقور ونداويه ,,

النداوي

[صنيتان قرداحي]

المشاركة الأصلية كتبت بواسطة نداوي هوازن

تسلم يا صنيتان على السالفه الشيقه
وانا قايلن لك منذ مبطي ان عتيبه ما فيها رخوم .. كلها صقور ونداويه ,,

النداوي

ومن قال سالم يالنداوي

صدقت مافي الهيلا رخمة الطريف فالسالفة رد الرجال لو انه خبل كان قال ايه اخوي الرخمه عانه فالمكان الفلاني


شكراً لمرورك

[مؤمن]

مشكور اخوي صنيتان قرداحي على ايراد السالفة اللي ترفع الراس


والله يعطيك العافية وجعلك دوم على القوة


ولك كل الحب والمودة

[صنيتان قرداحي]

الشكر الجزيل اخوي اثلث لمرورك العذب


تحاااتي

[نواف2007]

اخوي صنيتان


مشكور على السالفه الرائعه


وننتظر منك المزيد

[صنيتان قرداحي]

الشكر الجزيل لمرورك أخوي/نواف

تحيااااتي

[فيصل المسعودي]

سالفه طيبة


مشكور عليها صنيتان


ونتمنى منك


ان لا تحرمنا من جديدك من السوالف الطيبه


تحياتي