لا والله الاّ راحت بقلبي جهار من النهار =وأنا ليا واحد نشدني قلت تكرم عينها
ماهو ما غير القلب لا والله تفداها العـَمَار = الدرّة اللي ما خلق زينٍ يشابه زينها
إن جيت أوصّفها يصيب الشّعر وقفة واحتيار = لو قلت ما جاء مثلها في الكون أخاف أهينها
شمس الضحى تغار منها والقمر منها يغار=والأرض تقلب ورد عنـّابي تحت رجلينها
حبيتها حبّ الغريب اللي تشوّق للديار=يذكر دياره ثمّ سالت دمعته من حينها
حبيتها لو أدري إن الحبّ للعاشق دمار=ذوقي وتفكيري وعقلي كلّهم هاوينها
لو قالت اليسرى يمين وقالت اليمنى يسار= أقول كيفك يا حياتي زيّ ما تبغينها
من حبـّها جت في خلايا المخّ يعني باختصار= أشوفها حتى وأنا في النوم ,, ينصر دينها
وليا لبست الثوب أصكّ زرار وأخلّي زرار = وألبس شماغي وأنشد أصحابي شماغي وينها
صبرت وانّ الصبر نار ؛ إشتقت وإن الشوق نار =حالت سلوم البدو من بين الوصال وبينها
عشرين عام من الوصال ولا نهارين إنتظار=الأولة يا زينها و الثانية يا شينها
البعد عن من تعشقه موتٍ حمر والموت حار= الله يوم أذكر دموووع الشوق مع خدّينها
من دونها ما كنـّي الاّ عايشٍ في قندهار = روحي مهدّدها الخطر فـ " يسارها " ويمينها
أحيان أقول آآآبو حياتي مالي الاّ الإنتحار = واحيان أقول العافية والعافية يا زينها
شوفوا لنا حاجة تغيـّب بالعقل غير السّكار = ودّي يغيـَّب بي ولا اصحى غير بين يدينها