مرثيه ذيب ابن الذيب(شاعر الاربعين) - الهيـــــــــــــلا *** منتدى قبيلة عتيبة

فواز الشيباني · 19-Mar-2006, 08:46 PM

[TABLE="width:70%;background-color:darkred;"][CELL="filter:;"]

هذي المرثيه لشاعر الاربعين ذيب ابن الذيب يرثي فيها رفيق دربه وابن عمه المرحوم حسن ابن رحيان وابنه ماجد ...

إليكم القصيده ..

للصمت حزه وللمنطوق حزاتي
****************وانا من اللي تحرى الناس منطوقه

على هجوس الشعر والجن شرهاتي
****************ان كان ما وقفت للشعر محقوقه

ترثي عضيدي ونجله باصدق ابياتي
****************تتعب على الزين لو انه غلا سوقه

ترثي عضيدي لاشان الوقت ومرآتي
****************من بعده القلب كنه تل معلوقه

يافاضل الشمري طولت بسكاتي
****************لكن طبع الحزين يزيد به عوقه

لو القصايد تعبر عن معاناتي
****************قدام ما ندفنه غنيت طاروقه

الحزن يصحى معي ياخوي ويباتي
****************من جاير الوقت كن النفس مخنوقه

الحزن ماهو لعماني وعماتي
****************الحزن من عادني طفل وانا اذوقه

القبر مالي على جيته مشهاتي
****************لولا فقيد تحت طينه وطابوقه

بكيت في الدار وابكيت القرياتي
****************وانا دموعي عن المنقود مفهوقه

لو ان دموع العيون ترد الامواتي
****************خليت دمعي ما ينشف من على موقه

كله على شان فقد أبا المهماتي
****************اللي له العود يفتح قفل صندوقه

صبي على هقوت الطيب وهقواتي
****************تقول نفسه لفعل الطيب مخلوقه

يتعب على الطيب في شتى المجلاتي
****************نفسه غيوره على على العليا ومحروقه

يشبه له طويق والا ضلع اباناتي
****************بيته ملاذ الضعيف الى زبن طوقه

من الفخر والمعزه والمرواتي
****************كن السحب تحت رجله ماهي بفوقه

لا من ذكرته بوقت الضيق ماحاتي
****************كني بعيطا على الضلعان منتوقه

مراجله حاضره في كل الاوقاتي
****************علي دينٍ على ماقول مرفوقه

يالله يا من رفع سبع السماواتي
****************تظله بظل عرشك تحته وفوقه

وسلامتـــــــكم

[/CELL][/TABLE]