حرامٍ علـي أن جيـت أدور وناساتـه

[((الدلبحي))]

انا المجلس اللي فيه يجلس به الثرثار=حرامٍ علـي أن جيـت أدور وناساتـه
فهذا محـل الحاقـد الحاسـد العقـار=خبيث الطبوع الهرج بالنـاس غاياتـه
زعيم الردى والبوق والذل هو والعـار=ذهين وبخيل وعيشتـه مـن حيالاتـه
فلو صكته سود الليالـي بهـا يحتـار=ضعيـف العـزوم أيجنبنـه لكاعاتـه
يعله فدى للـي محلـه محـل أحـرار=كريم الرجـال اللـي وفيـه جمالاتـه
وفيٍ فهيم ويكـرم الجـار والاخطـار=بشوش وعزيز ولا يحسـب خساراتـه
شجيعٍ جسور وللمعادي كمـا البتـار=علامات عنتـر بالشجاعـه علاماتـه
ومحل الكرامه فيه تلقى وفـي أشبـار=صدوق ابهرجته ماتعـرض للشماتـه
ومحل الردى عشٍ للبوم بوسط الغـار=مقـرٍ المنهـو غـث ربعـه أبنماتـه
وانا ابنصحك يلواعي الفاهم البيطـار=نصيحة أمجرب شاف بالوقت لوعاتـه
تجنب طريق الشر وابعد عـن الهـذار=وترى الله يجيرك كان تحفظ اعباداتـه
تحر الصحيح وصل وابعد عن اهل النار=ترى الذنب ساس النار لو ذقت لذاتـه
وطع الوالدين وكن عليهم فتى صبـار=ترى برهم عند الولـي بـاب جناتـه
وترى الموت مايترك ضعيفٍ ولاجبـار=على كـل خلـق الله بتغيـر غاراتـه
فهذي نصيحه والنصيحه بهـا تذكـار=وافطن طريق ابليس جنـب أدعاياتـه