هــامة العـــز .....!!

[عاشق القمرا]

السلام عليكم ورحمة الله وبركاته

إليكــم هذه القصيدة
بعنوان
هامة العز


ماني من اللي ينحني بالسهوله ... لي هامةٍ يخضع لها العز ويلين

أعرف مواجيبي وشرعي وأصوله... وأحسب حسابي وأدرك الشين والزين

أبن الأصل أبن العرب والحموله ... أبن اللي لهم في مطلع الشمس تبيين

عزمي قويِّ وكل كوكب أطوله ... وأرقى بفكري فوق روس المعادين

لو كان تعني يالغلا ما تقوله ... خل السعادة تبتسم للمحبين

الحق حق ونتِّبع له أصُوله ... ونبعد عن دروب الريا والتلاوين

أتعبتني والوقت شحَّتْ فصوله ... ودِّي الربيع يضمِّني بالرياحين

ودِّي الهنا منِّي قريبٍ وصوله ... والفجر يشرق بالفرح والتلاحين


وسلامتـــكم

عسى ان تنال إستحسان الجميع


تحياتي

عاشق القمرا