الجادل اللي من سببها قمت اعدي كل ريع

[فواز الشيباني]

=انا اشهد اني في هواها من غلاها ملزمي
=وانا المتّيم والمعذب والمحب المغرمي
=والله عطا شبيب منها طعنتين وميسمي
=حوريةٍ في وصفها للحور يمكن تنتمي
=لجل انفتن في بارقٍ يكشف وليلٍ مظلمي
=لوكان ماجاها سحاب ولارعودن ترزمي
=قامت تطوف افكاري براسي طواف المحرمي
=او وجد ابو يوسف على لاماه قدام يعمي
=افزع لمن يشكي غرام الترف زاهي الملثمي
=تلوه ربعٍ ماتعرف الموت لاثار الرمي
=يوم القبايل بالشيوخ وبالمهند تحتمي
=لبوا بني عمي وربعي في الشدايد محزمي
=لاصحابهم سكر وللعدوان مثل العلقمي
=من لاج في داخل فواده بالهنا لايحلمي
=قد هز عرش اهل الشجاعه في الزمان الاقدمي
=واللي دخل سوقه على نار المحبه يقدمي
=انا عشقت الجادل اللي ماتجي بالدرهمي
=انقل صورها من خيالي وآتأمل وأرسمي
=قاومت عكش اهدابها مده ونكست علمي
=قالت لي استسلمت قلت يوالله ابستسلمي
=الحب ماهو يوم يارجال كانك تفهمي
=ان اقبلت رد انسمي وان اقفت يضيع انسمي
=قالت هزمتك واحسبنك في اللقاء ماتهزمي
=وادرى على السمعه واخاف ازل ويزل اقدمي
=لكني آقدر واحشّم والحشيمه تحشمي
=امّاحصل وصلٍ يخلينا بجوه ننعمي
=وانا على جمر الغضى ساهر واعد الانجمي
=يام العيون اللي ليا منها رمت ماترحمي

شبيب شاهر