بدر الحويفي؟؟؟؟؟؟؟؟؟؟؟؟؟؟؟؟؟؟؟

[((الدلبحي))]

سالني رجال هـل شـئ جديـد=قلت عشر أبيات عندي جاهزات
وقال عشرأبيات منتـوج زهيـد=انت ماتقـدر تجيـب مطـولات
وقلت أنا ماطلع من الراي السديد=بيت ابن حثلين زبن الجاذيـات
والمثايل صنفهـا مثـل الحديـد=فيه صلب وبه تنك ومصقـلات
لاتعاتبني علـى شـان النشيـد=يارجل ماني على درب الشمـات
ياوسيع المعرفـه مانـي بليـد=منتبـه للصـادره والــواردات
والشعر طوله وقصـره مايفيـد=كان مايحمـل معانـي محكمـات
مايفيد الطول عسبـان الجريـد=وحربة الشلفا تجي عشر قفلات
والهلل مهما كثر ماهـو رصيـد=الذهب يفـرق عليـه بكـل ذات
مايعيش الا الثمين من القصيـد=عند عشاق المعانـي والـروات
للشعر منهـج وقيمـه وتحديـد=والغوادي عن وصوله غاديـات
وإن بغينا اللعب للمعنـى نجيـد=نختصر رمز البيوت المبهمـات
جوهر المعنـى علينـا مايكيـد=نكتفي بالزيـن دون الفاضيـات
والحقايق مـن وراهـا مانزيـد=مانـدور بالقصيـد امبالـغـات
نحنفظ بالخوف من رب العبيـد=عالـم الأسـرار رب الكايانـات
والبشر مسكين لو باسه شديـد=لاتوحـد باللحـود المظلـمـات
قاله المعبـود بآيـات الوعيـد=ماعلى الدنيـا قـرار ولا ثبـات
دامت إن الموت في حبل الوريد=والـدلايـل للمفـتـح بيـنـات
ساعة مابه وسيـط ولاعضيـد=غير ماقـدم خطايـا وحسنـات
ويش عذر العبد باليوم الشديـد=كيف ينكر والجـوارح شاهـدات
ساعة تفرق وديـد مـن وديـد=حزنها يسهـر عيـون باكيـات
يارجال العرف والعقـل الرشيـد=المنايـا بالنـفـوس معلـقـات
والعميل المنتظـر ماهـو بعيـد=لاتميـل أنفوسكـم للمغـريـات
سيرة الفـاروق عنهـا لاتحيـد=اجتهد للخير واللي فـات فـات
قبل يوم به شقـي وبـه سعيـد=ماقف فيه النواظـر شاخصـات
فيه يضعف كـل جبـار عنيـد=قدرة الخالـق تهـز الراسيـات
مايفـك المـال لوكثـر العديـد=ينتهي كبر النفـوس القاسيـات