بسم الله الرحمن الرحيم
قصيده فعلاً هي أكثر من رائعه للشاعر إبن جدلان . . . وهذه من روائع إبن جـــدلان في صياغة الشعر .
أتمنى أن تحوز على رضاكم ولكم خالص تحياتي .
ألعب المنكوس وأحب روباعه = مملٍ في الوقت والوقت خداعي
مادريت إن ضحكة الوقت خداعه = شفت مدخالي ولاشفت مطلاعي
لابغيت أسج وإلا انبسط ساعه = دق قلبي من وراء حدب الأضلاعي
كن من بين الضلوع آلة طباعة = تشتغل لانمت وأقوم مرتاعي
هم قلبي مايفرق تجمَاعه = غير جر الصوت والناس هجاعي
فاقدٍ لي سلعةٍ وأكبر بضاعه = سلعةٍ تشرى ولاهيب تنباعي
رفقة الطيب ليا غير أطباعه = أشهد أنها كيةٍ توجع أوجاعي
راكب اللي صممه صاحب أصناعه = جمس بيك أب من حديثات الأنواعي
الغريب الي جديدٍ من أنواعه = حوض رفرف مايبي شد وشراعي
لا داس البنزين عجلٍ تفرقاعه = مخطر من سرعته يقلع أقلاعي
لاتحرك شفت في القاع مشلاعه = والتواير تظهر الماء من القاعي
ينعش القلب الحزين أبتهملاعه = لامشا قام يتهملع تهملاعي
لاوطى الأرض العتش كن تهزَاعه = بنت شيخٍ طامحٍ من ولد راعي
في رجاء الغايب تحَرا لمرجاعه = تنقد العشاق وتطق الأصباعي
نفسها من جملة الناس منصاعه = ماتبي إلا واحدٍ ذكره إيشاعي
ينحر اللي يأخذ الطيب بذراعه = الصديق الصافي الصامل الواعي
الوفاء والطيب ساسه ومنباعه = يوم بعض الطيب تقليد وصناعي
لاوصلتوا فأخبروني عن أوضاعه = وأخبروا راعي السمارا عن أوضاعي
أنشدو ويش السبايب بمهزاعه = لاعلي ناقص ولا أبيه فزَاعي
ودَنا نرضيه ونحاول إقناعه = كان بن مهمل بعد يسمع الداعي
كان يبغا حق للحق قطَاعه = نقعة والحق ماعنه مجزاعي
وكان مبغضٍ في الرياجيل بتَاعه = لايجي ناقد ويلحقني أرياعي
للصَديق نخلَي النفس خضَاعه = مانوريه الجفا والتمطَاعي
الصداقة عندنا ذخر وطماعه = صحبةٍ ماهيب صحبة تمتاعي
حد جدتها على البرق لماعه = وإن خذت يومين مفعولها ضاعي
فإن تلّيمنا على العز والطاعه = وأن تفرقنا فجوج الله أوساعي
ما أطرد المقفي ليا صفط أشراعه = مخبل اللي للمقفين تبَاعي
من يحط إذنه على كل سماعه = جاه فرقاً مابعدها تجمَاعي
والزباد أختام هرجي ومطلاعه = يدفعه من ريحة المسك ذعذاعي
« آخـــر الـــمـــشـــاركــــات »
27-Sep-2005, 02:39 PM
ونـة . . . إبن جــدلان
العرض العادي
