اخواني في منتدى الهيلا اسعد الله اوقاتكم بكل خير
هذه محاوره جرت بيني وبين ( العميد ) القحطاني في منتديات قبايل قحطان
وكانوا نعم الرجال في سمو الاخلاق ورحابة الصدور وحرارة الترحيب
والشاعر العميد شاعر من الطراز الاول وكان لي الشرف باللعب معه
والبداية كانت من عندي قلت :
يقولها قـرمٍ شجيـعٍ مـا يـذل ولا يهـاب=سلام ياهل المنتدى قحطان ... والعالم تشوف
نبا نسري على نورالقمر دام القمر ما غـاب=والاّ ليا غاب القمر شجعان ... والعالم تشوف
العميد
يقولها قرم شجيـع السيـف قطـاع الرقـاب=يا مرحبا يا اصحابنا العتبان ... والعالم تشوف
سج القدم يا صاحبي والحمل فظهور الركـاب=ما قدمك الا شاعر وحصان ... والعالم تشوف
شلاش
الك البقا ياللي تنطحت النماره والذياب=والعلم واضح ما يبا تبيان... والعالم تشوف
نزوركم ياهل الوفا وقت المشاكل والصعاب=واليوم أهنيكم على الأمان... والعالم تشوف
العميد
الحر الاشقر لاشهر يرتـاب لاشـاف العقـاب=والحر له مخلب وله جنحان .... والعالم تشوف
تزورنا ياصاحبي وتجيب فـي يـدك الخطـاب=والبيت مايثبت بلا عمدان ......والعالم تشوف
شلاش
جينا على صم الرمك والجيش والراي الصواب=وسقنا ضعونك بالنمش والزان... والعالم تشوف
نعمين ياقحطان في كسب المراجل والأداب=و لكن معنا ما لكم ميزان... والعالم تشوف
العميد
جيتوا على صم الرمـك. تلقتـك روس الحـراب=وسقناك منها مفلس وخسران .... والعالم تشووف
حنا العرب ساس العرب ياللي تطالـع فالسحـاب=يشهد لنا التاريخ والميدان ... والعالـم تشـووف
شلاش
حنا حكمنا نجد بشيوخ ٍ تقدم ما تهاب=وانتم قلعناكم ورا نجران ... والعالم تشووف
سقناك بالسيف المهند وم الماقف الغصاب=سيف يحذف الروس والكرعان... والعالم تشوف
العميد
نجد العذيه عندنا والعلـم فـي عـرض الكتـاب=ماعاد لك بيت ولا عنوان ..... والعالم تشـووف
ياربـي ستـرك لا تعاقبنـا علـى كثـر العـذاب=السيف ما يذبح سوى الشيخان .... والعالم تشوف
شلاش
هو ليه تخفون الحقيقه عمد يامال الذهاب=علامكم عن فعلنا عميان ... والعالم تشووف
ما همنا كثر المهايط والتخبط والطلاب=ربعي عتابه تكسر العدوان ... والعالم تشووف
العميد
والنعـم والله يـا عتيبـة يارفيعيـن الجـنـاب=وحنا رجال فاللقى فرسان ..... والعالم تشوووف
ادخلـك واطلعـك واعلـقـك روس الهـضـاب=قام العتيبي يمسح الريضان ..... والعالم تشوف
شلاش
العام فالحسرج عيونك في قفاك من الرعاب=خليت ابن نحيت والمطران ... والعالم تشوف
وخيولنا تاطا على حلة حليفك والزهاب=وجبنا عطايفهم على القعدان ... والعالم تشوف
العميد
اثـرك ترقـع يـا العتيبـي بالعـلـوم وبالثـيـاب=غير استرح يا عشبة المرحان ...... والعالم تشووف
خيولكم في نحوركـم تنعـق كمـا صـوت الغـراب=دور على الثلاثة الجذعان .... والعالـم تشـووووف
شلاش
ما فيك(س) يادار المجاعه لا طعام ولا شـراب=واللي قعد في جالها جوعان000والعالم تشـوف
ما تعرف العد الرهاوي من ضحاضيح السراب=تتبع ضحاضيح الخلا عطشان000والعالم تشوف
العميد
دار الفقر له باب والا الخيـر لـه عشريـن بـاب=يا زهرة الريحان والبستان ..... والعالم تشـووف
نارد على عوص النضا يـوم المعـارك والحـراب=يوم انت تسرح فالمعز والضان ....والعالم تشووف
شلاش
نعميـن ياقحطـان مافيهـا جـدال ولا عتـاب=وش عذركم في تركت الاوطان000والعالم تشوف
وين النضا وين الرمك وين الاصيـلات العـراب=شالنكم عنّـا ورا الضلعان000والعالـم تشـوف
العميد
الـدار داري شلتكـم عنهـا ذهـاب بـلا إيــاب=حتى الفرس ترجع بدون عنان .... والعالم تشووف
ياذيب يا ذيب الخـلا مافيـك لاضـروس ونيـاب=من بعد ما ذقت المرار الوان .... والعالم تشـووف
شلاش
الدار دارك لين جيناها وأخذناهـا أغتصـاب=ما عاد لك في دارنا مسكان000والعالم تشوف
ودك تسلّى بالسوالف وانت في قلبك صـواب=خابرك من تاريخها زهقان000والعالم تشوف
وسلامتكم
ويعذرني اخواني على بعض الالفاظ التي جرت في هذه المحاوره
القلوب نظيفه والدعوى سهالات
وعلى كثرة المناويخ والمعارك بين عتابه و قحطان
الا انك تجد بينهم الاحترام والتقدير
والكل منهم يعرف للاخر مكانته وتقديره
وتقبلوا تحياتي
« آخـــر الـــمـــشـــاركــــات »
27-Aug-2005, 12:43 AM
محاوره بين شلاش وشاعر من قحطان
العرض العادي
