فنجال وعلوم رجال !

[فتى قحطان]

سلام وتحيه واحترام
والمجال مفتوح

ياسلامي وانا يا سعد مني خويه = لا اظلم الليل وذياب الجزيره جياعي
بعد ما شفت هرجك يا محيل الثنيه = مالي الا أساهم في حليب المراعي

[مشاري الروقي]

صح لسانك يافتى قحطان
هل القاف محدد لمحيل الثنية أو المجال مفتوح حسب ماذكرت
أخوك / مشاري الروقي

[فتى قحطان]

هلابك يالروقي


والاخ محيل الثنيه كفو ولكن انا مستشهد باسمه فالبيت فقط


والمجال مفتوح

[مشاري الروقي]

الأخ فتى قحطان أستلم مشكورآ
مرحبا عد من جهز شداد المطيه
يستر الله على الأجواد وأمره مطاعي
يكثر الهرج والموضوع مابه خطيه
راقب السوق واشتر في المجال الزراعي

أخوك / مشاري الروقي

[فتى قحطان]

هلابك وحياك

لا تغني معي بلحونك السامريه = لين ارد البحر بيديّ وارفع شراعي
بين هضبة طويق وبين هضبة طميه = كل رجلِ يسافر فوق نقلٍ جماعي

[مشاري الروقي]

صح لسانك
أستلم يافتى قحطان

يالعلك فتى قحطان قد الحظيه
لاتميل البحر قدام درب السواعي
لو نضغط علاك اتهلها هاشميه
سافر وشيل عفشك فوق دفعن رباعي

[((الدلبحي))]

تسلمون يالربع ولكم احترامي وتقديري


تحياااااااااااااااااتي

[فيصل المسعودي]

تحياتي


ووواااااااااصلواااااااااا


متاااااااااااابعين

[ماجد الهذلي]

لي ملاحظه كيف تسمي وتقول المجال مفتوح؟؟؟؟؟

متااابع للمحااااوره تحياااتي

[فتى قحطان]

هلا بالربع وحياكم ، وانت يا ماجد الهذلي بشرني عنك اربك طيب


استلم يا مشاري : -

دام لك محزمٍ يروي ضما البندقيه = لا تحاول توايق في حلوق السباعي
السوالف قويه والفعايل خفيه = احمد الله ولو منتب حميد المساعي