مرثيه في حمدان بن مرزوق السيحاني رحمه الله تعالى

[خالد السيحاني]

الله يعظم أجركم يالسياحين .
في راعي المسجد وراع الفضيله .
شيخـن مشى في خدمة الحق والدين.
أنا أشهد إنك يابو تركي فقيده.
حتيش لو جاني جموعن معزين .
الجرح في قلبي وينزف وريده .
لاشفت بيته هل دمعي من العين .
ولاشفت تركي زاد قلبي لهيبه.
الليل لامنه ضوا صار ليلين .
تزايد القلب الشقي في ونينه.
قمت أتذكر مامضى لي من سنين .
وياه أنا مثل الصديق وصديقه .
مشيت أنا وياه فالعسر و اللين .
غالي ويسوا في عيوني قبيله .
واليوم فرقنا القدر غصب ياحسين .
الله كبير ويفعل اللي يريده .
يالله يامحصي صفوف المصلين .
يامحصين خلقه ورازق عبيده .
عساه من اللي في جنانك مقيمين .
وتعين قلبن زايدن به حنينه .
مرثيه الحميدي مرزوق في اخيه ابو تركي -رحمه الله وهو من أهالي ساجر -

[العملا111ق]

الله يرحمه