كان حولنا احد من الشعار يحضر ولايبطي علينا

[نواف نايف العتيبي]

نبي نستغل وقت القايلة لأن المتابعة قليلة ونتعلم المحاورة
طواريق الليل لعمالقة الشعر
وطواريق القايلة للعليمية

سلام الله سلام المؤمن اللي يوفي المكيال----------------ولا يشرك بربه لأجل عين فلان وفلاني
تغير نادي ابطال الخليج وصار فيه اهوال-----------------ياليت الريس الاول يشوف الريس الثاني

[سعود بطيحه]

حضرنا باالنيابة ياالعتيبي اقبل وتعال=يجيك الرد وافي وخذها من كف ذرعاني
مادام انك تبيها زينة فخذالجنيــه ريال=يجيك الطيب من الطيب وانا حماي ميداني

[نواف نايف العتيبي]

مدام أنك حضرت اكرب حزامك والحمول ثقال----------- لو انك ما انت بالمجني عليه ولا انت بالجاني
ترى بعض العرب ما يفرق الشيلة من الموال----------- تدارك عمرك الباقي لا يلحق عمرك الفاني

[ساحة كول]

شاعر يا نواف ولانتب عليمي العليمي اللي رد عليك

يجيك الطيب من الطيب وانا حامي ميداني !!!!!!!!!!!!!!

آخر تعديل ساحة كول يوم 21-May-2013 في 04:41 PM.

[نواف نايف العتيبي]

تسلم يا ساحة كول على اشادتك
وانا عليمي لين اموت
علمني شايبي يقول خذ العلم من المهد الى اللحد وإن شاء الله اني امسك الوصاة

[نواف نايف العتيبي]

وين الصفوف وين الجمهور سولفو معنا

[راشد النفيعي]

صحت السنتكم

نواف ماشاء الله عليك

على الملازيم انك شاعر

خل العليميه بعيد عنك

[نواف نايف العتيبي]

..............................

آخر تعديل نواف نايف العتيبي يوم 21-May-2013 في 05:12 PM.

[نواف نايف العتيبي]

تسلم يا راشد
علي الملازيم أنكم كفو وتشجعون اللي يجيكم من محبة ومن كرامة وتعطونه فوق حقه من طيبكم

[نواف نايف العتيبي]

الظاهر ان سعود طلع ما عاد اشوف اسمه

الله يعطيكم العافية يا سعود ويا ساحة كول وياراشد النفيعي و اشكركم و اشكر كل من تابعنا
وعن أذنكم