حنا ماخذنا صيتنا بالبخاشيش ! (للشاعر فيصل بن خالد بن محيا)

[نايف عتيبة]

بسم الله الرحمن الرحيم
قصيدة نالت اعجابي وحبيت انقلها لكم من احد المنتديات وهي للشاعر فيصل بن خالد بن محيا

::
::

يالـلـي ترافـق في حياتـك حـنـاتـيـش
تـلـقـى الـمـعـزه عـنـدنــا والـكــرامــــه

صـداقـةٍ تـرويَ الـكبـود الـمـعـاطـيـش
وتـرفـع مـقـام الـلـي مـنّــزل مـقــامـــه

ماني وانـا فيـصل خـوي الـدراويــش
ولانـي خـوي اهـل الـردى والنمـامــه

حنـا ماخذنـا صـيتـنا بالـبـخـاشـيـش
ولا ضـــريــنــا كـــلــنــا بـالــرخـــامـــه

وحنـا حـلاحـيـلٍ دهــات ومــداغــيـش
اهل الـقنـا والطـيب واهـل الـزعــامــه

اللي طلع لـه ريـش ننتف لـه الـريـش
والـلـي يــعــاديـنـا نـهّـشـم عــظــامــه

كــلٍ عــرفـنـا بالـمـلاقـــا مـــداهــيــش
مـعــروفــةٍ يـا لابـــتـي بـالـشـهــامـــه

خيالنا لا هــاش مـايـنطـحـه جــيــش
خيالنا ســـاطــي ومــرفـــوع هــامــه

ماهو ضعيف ولاّ عظامـه هشاهـيـش
جنـبه مـتيـن ويـستـحيـل انـهــزامــه

من دون ربعـه يرفع الـراس ويشـيش
هــذا سـلـوبـه فـالـحــيــاة ونـظــامــه