ماني براعي سوق ياراعي السوق

[محمد المرشدي]

قصيده بعد رجوعي من احد اسواق الرياض




ماني براعي سوق ياراعي السوق
ياكود لي في وسط مركزه حاجه

لا من دخلته صرت بالحيل مخنوق
كني مكبل مايرى الا سياجه

ابليس في وسطه له الطاق مطبوق
يرمي محابيله ويضحك حجاجه

يجذب على الغفله من الخلق مطفوق
ويغوي خفوقه لين يحلى مزاجه

يرسل على قلبه تفاكير وطروق
ويطرق حداها لين يلقى عواجه

ويشيل وزره فوق الامتان برفوق
وهذا من المشوار صافي خراجه

بين العرب من كل لهجه ومنطوق
كثروا علينا مقلدين الخواجه

الهرج مايع والطبايع على الذوق
والشكل تبغى تمدحه قل سماجه

شبابنا ينساق خلف العدو سوق
صوب المياعه والدلع والغناجه

صور له الاعلام هالغرب مرموق
وصور له الاجداد جهل وهماجه

اعلام ن مشوه وفاسد و محروق
اهدافه اكبر من برامج نتاجه

يبغى الشباب يغنى الحب والشوق
ويترك حديث الترمذي وبن ماجه

الله يخيب كل مسعاه من فوق
ويهدي شباب المجتمع لاحتياجه

اسلامنا هو درعنا عن هل البوق
لو نتركه صرنا سوات الزجاجه

دايم تكسر كل مامرها عوق
هشه ولا تقاوم لريشة دجاجه

وصرنا فريسة كل خاين و ممحوق
ذيب ن درع فينا وحنا نعاجه

واسلامنا لا صار ثابت ومصدوق
والله يضمد كل جرح بعلاجه

[ذعير العالي]

صح الساااااااااااااااااااااانك

تقول من تراعي سوق وش وداك هههههههههههههههههه

[فيصل مطر]

صح لسانك يامحمد والسوق على اسمه ماحيتاج
تقبل
مروري

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[محمد الذيابـــي]

,,


صح لسااانكـ يامحمد.


قصيدة جميله كل الشكر لكـ,,,,

التوقيع

التوقيع محمد الذيابـــي

[متعب المقاطي]

صح لسانك يا محمد

[عايض جزاء العصيمي]

صح لسانك يامحمد

قصيده جزله من شاعر متمكن


تحياتي وتقديؤي لك

[محمد معيض]

صح لسانك وقصيدة جميلة

[قـنـاص الـقـوافي]

صح لسانك ولاهنت
تحيتي وتقديري

[ابن سلوم الهيلوم]

صح لساااانك يالمرشدي على طرح
مثل هالمواضيع الساميه شكرا لك

[محمد المرشدي]

المشاركة الأصلية كتبت بواسطة ذعير العالي

صح الساااااااااااااااااااااانك

تقول من تراعي سوق وش وداك هههههههههههههههههه

هههههههههه


صح بدنك ياذعير والله ماجيته الا لي حاجه